இயக்குனரில்லா நீர்மூழ்கிக் கப்பல் கண்டுபிடிப்பை இந்தோனேசிய கடற்படை விசாரிக்கிறது

ஜகார்த்தா: 

நுஸா தெங்கரா பாராட்டின் (NTB) லோம்போக் உத்தாரா மாவட்டத்தில் உள்ள கிலி தராவாங்கானின் வடக்கு நீரிணையில் இயக்குனரில்லா நீர்மூழ்கி வாகனமாக (UUV) சந்தேகிக்கப்படும் ஒரு பொருளை கண்டுபிடித்ததை இந்தோனேசியா கடற்படை விசாரிக்கிறது.

இந்தோனேசியா கடற்படை தகவல் சேவைத் தலைவர் ரியர் அட்மிரல் துங்குல், நிபுணர் குழுக்கள் அதன் தோற்றம், செயல்பாடு, அதில் சேமிக்கப்பட்டிருக்கக்கூடிய தரவுகளைத் தீர்மானிக்க சொத்தின் மீது விரிவான தொழில்நுட்ப மதிப்பீடு மேற்கொள்வதாக கூறினார்.

"இந்த (நீர்மூழ்கி) சாதனம் அது எங்கிருந்து வந்தது, அதன் பயன்பாடு, மீட்டெடுக்கக்கூடிய தரவுகள் ஏதாவது உள்ளதா என்று அடையாளம் காண முழுமையான தொழில்நுட்ப மதிப்பீட்டிற்கு உட்படுத்தப்படும்" என்று அவர் தெரிவித்தார்.

இந்த இயக்குனரில்லா நீர்மூழ்கி வாகனம் ஆரம்பத்தில் கிலி தராவாங்கானின் வடக்கு நீரிணையில் மீனவர்களால் கண்டுபிடிக்கப்பட்டு, அவர்கள் அருகிலுள்ள கடற்படை அங்கத்தினர்களிடம் அறிவித்ததாக துங்குல் கூறினார்.

பின்னர் அந்த பொருள் வெளியே எடுக்கப்பட்டு மேலும் விசாரணைக்காக சம்பந்தப்பட்ட தரப்பிடம் ஒப்படைக்கப்பட்டது.

விசாரணை நடைமுறைகள் நிர்ணயிக்கப்பட்ட தரங்களுக்கு இணங்க நடைபெறுவதை உறுதிப்படுத்த அந்தப் பொருளை சுற்றி பாதுகாப்பு கட்டுப்பாடுகள் செயல்படுத்தப்பட்டதாக துங்குல் தெரிவித்தார்.

இந்தோனேசிய கடல் பகுதிகளில் அனுமதியற்ற தரப்பினரால் கடல் அடி உபகரணங்களைப் பயன்படுத்துவது உட்பட எந்தவொரு அனுமதியற்ற நடவடிக்கைகளிலிருந்தும் கடல் பாதுகாப்பை உறுதி செய்வதில் கடற்படை கடமைப்பட்டிருப்பதாகவும் அவர் கூறினார்.

-சங்கீர்த்தனா