மத்திய கிழக்கு போரால் தென் கொரியாவிற்கு வந்த சோதனை: அமலுக்கு வரும் 5 நாட்களுக்கு வாகன எண்ணெய்ப் பங்கீட்டு முறை 

சியோல்:

மத்திய கிழக்கில் நடந்து வரும் மோதல் காரணமாக எண்ணெய் விநியோகத்தில் இடையூறு ஏற்படுவதற்கான பதிலுக்கு தென் கொரிய அரசாங்கம் பொதுத் துறைக்கு கட்டாய ஐந்து நாள் வாகன சுழற்சி முறையை அமல்படுத்துவுள்ளது.

காலநிலை, எரிசக்தி, சுற்றுச்சூழல் அமைச்சகத்தின்படி, புதன்கிழமை முதல், வாகனப் பதிவு எண் அடிப்படையிலான ஒதுக்கீட்டு முறையை பொதுத்துறை நிறுவனங்கள் பின்பற்றுவதை அரசாங்கம் தீவிரமாகக் கண்காணிக்கும் என யோன்ஹாப் செய்தி நிறுவனம் தெரிவித்துள்ளது. இந்த முறையின்படி, கார்களின் பதிவு எண்ணின் கடைசி இலக்கத்தின் அடிப்படையில் அவை ஐந்து குழுக்களாகப் பிரிக்கப்பட்டு, ஒவ்வொரு குழுவும் குறிப்பிட்ட வார நாட்களில் வாகனம் ஓட்டுவதற்குத் தடை விதிக்கப்பட்டுள்ளது.

 மின்சார, ஹைட்ரஜன் வாகனங்களுக்கு அந்த கட்டுப்பாடுகளிலிருந்து விலக்கு அளிக்கப்பட்டுள்ளன.

பொதுத்துறை அமைப்பை அமல்படுத்துவது குறித்த விரிவான வழிகாட்டுதல்களை அமைச்சகம் விநியோகிக்கும் என்று கூறப்பட்டுள்ளது. மேலும், விதிமுறைகளுக்கு இணங்கத் தவறும் நிறுவனங்களுக்கு எதிராக அபராதம் விதிக்கும்.

கச்சா எண்ணெய் வழங்கல் தொடர்பாக அதிகரித்து வரும் நிச்சயமற்ற தன்மையைத் தொடர்ந்து இந்தத் திட்டத்தில் தானாக முன்வந்து பங்கேற்க தனியார் துறைக்கு அரசாங்கம் அறிவுறுத்தும், மேலும் எண்ணெய் விநியோகத்திற்கு நிலை 3 எச்சரிக்கை வழங்கப்பட்டால் தனியார் துறைக்கு இந்த அமைப்பை கட்டாயமாக்குவது குறித்து பரிசீலிக்கப்படும் என்றும் தெரிவிக்கப்பட்டுள்ளது.

தென் கொரியாவின் நான்கு அடுக்கு தேசிய வளப் பாதுகாப்பு நெருக்கடி எச்சரிக்கை அமைப்பில், கச்சா எண்ணெய் விநியோகத்தில் ஏற்படக்கூடிய தடைகள் குறித்த தனது எச்சரிக்கையை கடந்த வாரம் அரசாங்கம் இரண்டாம் நிலைக்கு உயர்த்தியதைத் தொடர்ந்து, இத்தகைய ஒரு முறையைச் செயல்படுத்தும் முடிவு எடுக்கப்பட்டுள்ளது.

எண்ணெய் நுகர்வு அடிப்படையில் முதல் 50 நிறுவனங்களை எரிசக்தி சேமிப்புத் திட்டங்களை உருவாக்கவும், எரிசக்தி குறைப்பு இலக்குகளை அடைபவர்களுக்கு ஊக்கத்தொகைகளை வழங்கவும் அதே நேரத்தில் பயனுள்ள எரிசக்தி பயன்பாட்டிற்கான போக்குவரத்தைச்  சமநிலைப்படுத்த உதவும் வகையில் பொது நிறுவனங்களையும் பெரிய நிறுவனங்களையும் தற்காலிகமாக வேலை நேரத்தை சரிசெய்ய வலியுறுத்துகிறது.

கூடுதலாக, குறைந்த தூசி நிலைகளைக் கொண்ட நாட்களில் நிலக்கரி மின் உற்பத்திக்கான கட்டுப்பாடுகளை அரசாங்கம் தளர்த்தும், மேலும் மேற்கு ஆசிய நெருக்கடியால் பாதிக்கப்பட்டுள்ள திரவ இயற்கை எரிவாயு (எல். என். ஜி) நுகர்வு குறைப்பதற்கான முயற்சிகளின் ஒரு பகுதியாக தற்போது பராமரிப்பில் உள்ள ஐந்து அணு உலைகளின் விரைவான செயல்பாடுகளை மீண்டும் தொடங்குமாறு வலியுறுத்தியுள்ளது.

-சங்கீர்த்தனா