சமூக ஒற்றுமையை வலியுறுத்தும் ராயல் கிங்ஸ் குழுமம்: பிரம்மாண்ட நோன்புத் திறப்பு நிகழ்வு

சிங்கப்பூர்: 

சமூகங்களுக்கு இடையே நல்லிணக்கத்தையும் ஒற்றுமையையும் வளர்க்கும் நோக்கில், ராயல் கிங்ஸ் குழுமம் (Royal Kings Group) ஏற்பாடு செய்திருந்த சமூக நோன்புத் திறப்பு நிகழ்வு அண்மையில் மிகச் சிறப்பாக சிங்கப்பூரில் நடைபெற்றது. 

புனித ரமலான் மாதத்தின் மாண்பினைப் போற்றும் வகையில் அமைந்த இந்நிகழ்வில், பல்வேறு இனத்தைச் சேர்ந்த மக்களும், தன்னார்வலர்களும் ஆர்வத்துடன் கலந்துகொண்டனர்.

இந்நிகழ்வின் சிறப்பம்சமாக, சமூகத்தின் மூத்த குடிமக்கள், நலிந்த பிரிவினருக்குச் சிறப்பு அழைப்பு விடுக்கப்பட்டு அவர்களுக்கு மதிப்பளிக்கப்பட்டது. 

சமூக மேம்பாட்டிற்காகத் தங்களை அர்ப்பணித்துக் கொண்ட தன்னார்வலர்களின் சேவையைப் பாராட்டும் விதமாகச் சிறப்பு அங்கீகாரங்களும் இதன்போது வழங்கப்பட்டன. ராயல் கிங்ஸ் குழுமத்தின் இத்தகைய முயற்சி, சிங்கப்பூரின் பல்லின கலாச்சாரப் பிணைப்பை மேலும் வலுப்படுத்துவதாக அமைந்தது.

நிகழ்வில் உரையாற்றிய ஒருங்கிணைப்பாளர்கள், இஃப்தார் என்பது வெறும் உணவு உண்பது மட்டுமல்ல, அது சக மனிதர்களிடம் அன்பையும், கருணையையும் பகிர்ந்து கொள்ளும் ஒரு உன்னதத் தருணம் என்று குறிப்பிட்டனர்.

விருந்தில் கலந்துகொண்ட அனைவரும் ஒரே குடும்பமாக அமர்ந்து நோன்புத் திறந்த காட்சி, மதங்களைக் கடந்த மனிதாபிமானத்தை வெளிப்படுத்தியது.

ஒவ்வோர் ஆண்டும் இதுபோன்ற சமூகப் பணிகளைத் தொடர்ந்து முன்னெடுத்து வரும் ராயல் கிங்ஸ் குழுமம், இம்முறையும் தனது சேவையால் பலரின் பாராட்டுக்களைப் பெற்றுள்ளது. 

இத்தகைய கூட்டு முயற்சி நிகழ்வுகள், இளைய தலைமுறையினரிடையே சமூகப் பொறுப்பையும், நல்லிணக்க உணர்வையும் வளர்க்க உதவும் என்பதில் ஐயமில்லை.

-கிரித்திக்கா