தொழில்நுட்ப கோளாறு: கத்தார் ராணுவ ஹெலிகாப்டர் விபத்து

தோஹா:

கத்தார் ராணுவத்திற்கு சொந்தமான ஹெலிகாப்டர் ஒன்று தொழில்நுட்ப கோளாறு காரணமாக கடலில் விழுந்ததாக அதிகாரிகள் தெரிவித்துள்ளனர். வழக்கமான பணியை மேற்கொண்டு கொண்டிருந்த போது இந்த விபத்து ஏற்பட்டதாக பாதுகாப்புத் துறை கூறியுள்ளது.

இந்த விபத்திற்குப் பிறகு, அதில் இருந்த பணியாளர்கள், பயணிகளைத் தேடும் நடவடிக்கைகள் தீவிரமாக நடைபெற்று வருகின்றன. இதற்காக சிறப்பு மீட்பு குழுக்கள் உடனடியாக அனுப்பப்பட்டுள்ளன.

விபத்து ஏற்பட்ட துல்லியமான இடம், ஹெலிகாப்டரில் இருந்தவர்களின் எண்ணிக்கை குறித்து இதுவரை அதிகாரப்பூர்வ தகவல் வெளியிடப்படவில்லை.

மேலும், மத்திய கிழக்கில் நடைபெற்று வரும் பதற்ற நிலைமைகள் இருந்தாலும், இந்த விபத்துக்கும் அமெரிக்கா–இஸ்ரேல் தாக்குதல்களுக்கும் எந்த தொடர்பும் இல்லை என தெரிவிக்கப்பட்டுள்ளது.

-கிரித்திக்கா