கோபா டெல் ரெய் கிண்ணம்: காலிறுதியில் அட்லாட்டிகோ மாட்ரிட்

மாட்ரிட்:

கோபா டெல் ரெய் கிண்ண கால்பந்து போட்டியின் காலிறுதியாட்டத்திற்கு அட்லாட்டிகோ மாட்ரிட் முன்னேறி உள்ளனர்.

ரைசோர் அரங்கில் நடைபெற்ற சுற்று 16 ஆட்டத்தில் அட்லாட்டிகோ மாட்ரிட் அணியினர் டிபார்டிவோ லா கரோனா அணியை சந்தித்து விளையாடினர்.

இதில் சிறப்பான ஆட்டத்தை வெளிப்படுத்திய அட்லாட்டிகோ மாட்ரிட் அணியினர் 1-0 என்ற கோல் கணக்கில் டிபார்டிவோ லா கரோனா அணியை வீழ்த்தி வெற்றி பெற்றனர்.

அட்லாட்டிகோ மாட்ரிட் அணியின் வெற்றி கோலை அந்தோனியோ கிரிஸ்மேன் அடித்தார்.

இந்த வெற்றியை தொடர்ந்து அட்லாட்டிகோ மாட்ரிட் அணியினர்  கோபா டெல் ரெய் கிண்ண
காலிறுதி சுற்றுக்கு முன்னேறினர்.

மற்றொரு ஆட்டத்தில் ரியால் சோஷிடாட் அணியினர் 4-3 என்ற பெனால்டி கோல் கணக்கில் ஓசாசுனா அணியை வீழ்த்தி வெற்றி பெற்றனர்.

அட்லாட்டிகோ பில்பாவ் அணியினர் 4-3 என்ற கோல் கணக்கில் லெனோசா அணியை வீழ்த்தி வெற்றி பெற்றனர்.

- பார்த்திபன் நாகராஜன்