2026ஆம் ஆண்டுக்கான பள்ளி சீருடையில் மாற்றம் இல்லை: கல்வி இயக்குநர்

புத்ராஜெயா:

பள்ளி சீருடைகளை தரப்படுத்துவதற்கான திட்டம் இன்னும் ஆய்வு நிலையில் உள்ளது.

எதிர்காலத்தில் செயல்படுத்த இறுதி செய்யப்படவில்லை என்றும் மலேசிய கல்வி அமைச்சு தெளிவுபடுத்துகிறது.

மாணவர்கள், பெற்றோர்கள், பள்ளிகள் மீதான தாக்கம் உட்பட அனைத்து முக்கிய அம்சங்களையும் உள்ளடக்கிய முழுமையான மதிப்பாய்வுக்குப் பிறகுதான் இந்த விஷயத்தில் எந்தவொரு முடிவும் எடுக்கப்படும் என்று கல்வி இயக்குநர் டாக்டர் முகமட் அசாம் அகமது கூறினார்.

2027 பள்ளி அமர்வில் செயல்படுத்துவதற்கான அனைத்து தொடர்புடைய அம்சங்களையும் கவனமாக பரிசீலித்த பின்னரே இறுதி முடிவு எடுக்கப்படும்.

இது தொடர்பாக, 2026 பள்ளி அமர்வில் பள்ளி சீருடைகளில் எந்த மாற்றங்களும் இருக்காது.

இதனால் பெற்றோர்கள் மற்றும் சமூகத்தினரிடையே எழுந்துள்ள குழப்பம் முடிவுக்கு வரும்.

அறிமுகப்படுத்தப்படும் ஒவ்வொரு கொள்கையும் அனைத்து தரப்பினரின் நலன்களையும், குறிப்பாக மாணவர்களின் நல்வாழ்வையும் பெற்றோரின் திறனையும் கணக்கில் எடுத்துக்கொள்வதை உறுதி செய்வதில் கல்வியமைச்சு உறுதியாக உள்ளது என்று அவர் கூறினார்.

- பார்த்திபன் நாகராஜன்