2026ஆம் ஆண்டுக்கான பட்ஜெட்டை பிரதமர் மக்களவையில் இன்று மாலை தாக்கல் செய்வார்

புத்ராஜெயா:

2026ஆம் ஆண்டுக்கான பட்ஜெட்டை  பிரதமர் டத்தோஸ்ரீ அன்வார்  இப்ராஹிம் இன்று மாலை 4 மணிக்கு மக்களவையில் தாக்கல் செய்ய உள்ளார்.

இது டத்தோஸ்ரீ அன்வார் தலைமையிலான மடானி அரசாங்கத்தின் கீழ் சமர்ப்பிக்கப்பட்ட நான்காவது பட்ஜெட்டாகும்.

மேலும் 13ஆவது மலேசியா திட்டத்தின் கீழ் முதல் பட்ஜெட்டாகும்.

அடுத்த ஐந்து ஆண்டுகளில் நாட்டின் வளர்ச்சித் திட்டங்களை செயல்படுத்துவதற்கான முதன்மை அடிப்படையாக செயல்படுகிறது.
2026 பட்ஜெட்டின் தாக்கல் உள்ளூர் தொலைக்காட்சி, சமூக ஊடக தளங்களில் நேரடியாக ஒளிபரப்பப்படும்.

இதில் பெர்னாமா தொலைக்காட்சியும் அடங்கும்.

இது 2026 பட்ஜெட் விளக்கக் காட்சிக்கு முந்தைய பகுப்பாய்வு சிறப்பு நிகழ்ச்சியையும் பிற்பகல் 3 மணிக்கு ஒளிபரப்பும்.

நிதியமைச்சகத்தின் பிரத்யேக பட்ஜெட் வலைத்தளத்தில் உள்ள 2025 பட்ஜெட்டுக்கு அறிக்கையின்படி,

முந்தைய மடானி பட்ஜெட்டுகளால் அமைக்கப்பட்ட வலுவான அடித்தளத்தில் நிறுவப்பட்ட உத்வேகத்தை 2026 பட்ஜெட் தொடரும்.

மடானி பொருளாதாரத்தின் மூன்று மையத் தூண்களான தேசிய வளர்ச்சியின் உச்சவரம்பை உயர்த்துதல், மக்களின் வாழ்க்கைத் தரத்தை உயர்த்துதல், நல்லாட்சி, பொது சேவை சீர்திருத்தத்தை முன்னெடுப்பது ஆகியவற்றை 2026 பட்ஜெட் தொடர்ந்து நிலைநிறுத்தும் என்பது குறிப்பிடத்தக்கது.

- பார்த்திபன் நாகராஜன்