இந்திய வர்த்தகர்களுக்கு உதவும் நோக்கில் சூரியன் திட்டம் அறிமுகம்; 54.5 மில்லியன் ரிங்கிட் ஒதுக்கீடு: டத்தோஸ்ரீ ரமணன்

கோலாலம்பூர்:

இந்திய வர்த்தகர்களை உதவும் நோக்கில் சூரியன் திட்டத்தின் கீழ் 54.5 மில்லியன் ரிங்கிட் ஒதுக்கப்பட்டுள்ளது.

தொழில் முனைவோர் மேம்பாடு கூட்டுறவு துணையமைச்சர் டத்தோஸ்ரீ ரமணன் ராமகிருஷ்ணன் இதனை கூறினார்.

இந்திய சமுதாய வர்த்தகர்களின் மேம்பாட்டிற்காக அமைச்சின் கீழ் பல்வேறு திட்டங்கம் அறிமுகம் செய்யப்பட்டது.

பேங்க் ரக்யாட்டின் கீழ் பிரிவ்-ஐ, தெக்குன் நேஷனல் கீழ் ஸ்பூமி கோஸ் பிக், எஸ்எம்இ கோர்ப்பின் கீழ் ஐபேப், அமானா இக்தியாரின் கீழ் பெண் திட்டம், எஸ்எம்இ வங்கியின் கீழ் வணிகம் திட்டம் போன்ற பல்வேறு முயற்சிகள் அறிவிக்கப்பட்டுள்ளது.

இந்த திட்டங்கள் அனைத்தும் இந்திய சமூக தொழில்முனைவோருக்கு மொத்தம் 357 மில்லியன ரிங்கிட் ஒதுக்கியுள்ளன

மேலும் 12,000க்கும் மேற்பட்ட இந்திய தொழில்முனைவோருக்கு இத்திட்டங்கள் பயனளித்துள்ளன.

இந்திய சமூகத்திற்கு இன்று மற்றொரு வரலாற்று தருணமாகும்.

பெர்னாஸ் உடன் தேசிய உரிமையாளர் சுற்றுச்சூழல் அமைப்பில் மிகவும் வெற்றிகரமான இந்திய சமூக தொழில்முனைவோரை உருவாக்குவதற்கான இந்திய சமூக அடிப்படையிலான உரிமையாளர் முயற்சியான சூரியன் திட்டத்தை அறிவிப்பதில் நான் மகிழ்ச்சியடைகிறேன்.


இந்த திட்டம் நாடு முழுவதும் 1,000 பங்கேற்பாளர்களை இலக்காகக் கொண்டுள்ளது.

இதில் 20 வருங்கால பிரான்சாய்ஸ் வர்த்தகர்கள், 100 வருங்கால உரிமையாளர்கள், 400 சிறு தொழில்முனைவோர், 500 வேலை வாய்ப்பு பங்கேற்பாளர்கள் ஆகியோர் அடங்குவர்.

இதற்காக 54.5 மில்லியன் ரிங்கிட் ஒதுக்கப்பட்டுள்ளது என்று டத்தோஸ்ரீ ரமணன் கூறினார்.

இந்திய சமூகத்திலிருந்து உரிமையாளர் வணிகங்களின் எண்ணிக்கையை அதிகரித்தல், வழிகாட்டுதல், பயிற்சி மூலம் தொழில்முனைவோரை மேம்படுத்துதல், உரிமையாளர் நிதியுதவிக்கான அணுகலை வழங்குதல், ஏற்கெனவே உள்ள உரிமையாளர்களுடன் மூலோபாய போட்டிகள் மூலம் புதிய வேலை வாய்ப்புகளை உருவாக்குதல் இந்த சூரியன் திட்டத்தின் இலக்காகும்.

மேலும் பிரான்சைஸ் அடிப்படை பயிற்சி, ஹலால் விழிப்புணர்வு பயிற்சி, தொழில்துறை வேலைவாய்ப்பு, பிரான்சைசர் மேம்பாடு, நிதியுதவியும் வழங்கப்படும்.

ஆக இந்த சூரியன் திட்டம், இந்திய சமூக தொழில்முனைவோரின் எதிர்காலத்தை ஒளிரச் செய்யும்.

குறிப்பாக அனைவருக்கும் வளமான மலேசியா என்ற நம்பிக்கையை வளர்க்கும் உதய சூரியனைப் போல இருக்கட்டும் என்று டத்தோஸ்ரீ ரமணன் கூறினார்.

- பார்த்திபன் நாகராஜன்