ஒரு சகாப்தத்தின் முடிவு: 40 ஆண்டுகால வாகன உற்பத்திக்குப் பிறகு புரோட்டோன் ஷாஆலம் ஆலையை மூடுகிறது

ஷாஆலம்:

கடந்த 40 ஆண்டுகளாக நான்கு மில்லியனுக்கும் அதிகமான வாகனங்களை உற்பத்தி செய்த பிறகு, புரோட்டோன் ஷாஆலமில் உள்ள அதன் வாகன ஆலையின் செயல்பாட்டை அதிகாரப்பூர்வமாக முடித்துக் கொண்டது.

சாகா, பெர்சோனா, எக்ஸ் 50, எக்ஸ் 70, எக்ஸ் 90, எஸ் 70 உள்ளிட்ட அனைத்து உள்நாட்டில் உற்பத்தி செய்யப்படும் புரோட்டோன் வாகனங்களும் இப்போது பேராக்கின் தஞ்சோங் மாலிமில் உள்ள ஆட்டோமோட்டிவ் ஹைடெக் பள்ளத்தாக்கில் உள்ள தேசிய வாகன உற்பத்தி வளாகத்தில் அசெம்பிள் செய்யப்படுகின்றன.

ஷாஆலம் ஆலை கடந்த செப்டம்பர் 30 அன்று அதன் இறுதி வாகனமான சாகாவை வெளியிட்டது. 

அதைத் தொடர்ந்து, ஷாஆலம் ஆலையைச் சேர்ந்த இறுதி 1,400 உற்பத்தி ஊழியர்கள் தஞ்சோங் மாலிமுக்கு மாற்றப்பட்டனர்.

ஷாஆலம் ஆலை மூடும் நடவடிக்கை ஒரே இரவில் நடக்கவில்லை

பொதுவாக, புரோட்டோனின் உற்பத்தி நடவடிக்கைகளை தஞ்சோங் மாலிமுக்கு முழுமையாக மாற்றும் திட்டம் 2017 ஆம் ஆண்டில் கீலி புரோட்டானில் 49.9 சதவீத பங்குகளை வாங்கிய உடனேயே வெளிப்படுத்தப்பட்டது.

இருப்பினும் கோவிட்-19 தொற்றுநோயால் இந்தத் திட்டம் தடைபட்டது.

தற்பொது அது முழுமையாக செயல்படுத்தப்பட்டது என புரோட்டோன் நிறுவனம் கூறியது.

முன்னதாக 2004 ஆம் ஆண்டு திறக்கப்பட்ட புரோட்டோனின் தஞ்சோங் மாலிம் வசதி, ஆண்டுக்கு 250,000 யூனிட்கள் உற்பத்தி செய்யும் திறன் கொண்டது.

தென்கிழக்கு ஆசியாவில் கீலி குழுமத்திற்கான முதன்மை வலது கை இயக்கி ஏற்றுமதி மையமாக ஒதுக்கப்பட்டுள்ளது.

- பார்த்திபன் நாகராஜன்