ஐயப்பன் கோயில் தங்க தகடுகள் எடை குறைந்த விவகாரம்: கேரள பேரவையில் அமளி

திருவனந்தபுரம்: 

சபரிமலை ஐயப்பன் கோவிலின் தங்கத் தகடுகள் எடை குறைந்த விவகாரத்துக்கு பதிலளிக்கக் கோரி கேரள மாநில பேரவையில் கடும் அமளி ஏற்பட்டது.

கேரள ஐய்யப்பன் கோவிலில், கருவறைக்கு முன்பாக உள்ள இரு துவாரபாலகர்கள் சிலையில் பொருத்தப்பட்டிருந்த தங்கமுலாம் பூசப்பட்ட கவசத்தில், 4 கிலோ அளவுக்கு தங்கம் குறைந்ததாக  சர்ச்சை எழுந்தது.

இது தொடர்பாக விரிவான விசாரணைக்கு தேவசம் போர்டு உத்தரவிட்டுள்ளது.

இந்நிலையில், சபரிமலை ஐயப்பன் கோவிலின் தங்கத் தகடுகள் எடை குறைந்த விவகாரத்தை எழுப்பி, காங்கிரஸ் தலைமையிலான ஐக்கிய ஜனநாயக முன்னணி கூட்டணி கட்சி எம்எல்ஏக்கள் கேரள சட்டப் பேரவையில் அமளியில் ஈடுபட்டுள்ளனர். இதனால், அவையில் கூச்சல் குழப்பம் நிலவியது.

இதற்கு பொறுப்பேற்று தேவசம் அமைச்சர் வி.என்.வாசவன் பதவி விலக வேண்டும் என்றும் அவர்கள் கோரிக்கை விடுத்தனர்.

- ஆர்யன்