"ஃபத்லினா எங்கே?" போராட்டத்தில் ஈடுபட்ட மாணவர் அமைப்புகள் 

புத்ராஜெயா: 

மறைந்த ஜாரா கைரினா மகாதீரின் மரணத்தை அமைச்சர் ஃபத்லினா சிடெக் கையாண்ட விதத்தை விமர்சித்தும், அவரது ராஜினாமாவை வலியுறுத்தியும் இன்று  மாணவர்களும்  ஆர்வலர்களும் கல்வி அமைச்சகத்தின் முன் ஆர்ப்பாட்டத்தில் ஈடுபட்டனர்.

காலை 11 மணியளவில் தொடங்கிய போராட்டத்தில், பங்கேற்பாளர்கள் "ஜாராவுக்கு நீதி," "துருன் லினா," "பகடிவத்தையை நிறுத்து", "மலேசியா டோலக் பெம்புலி" Turun Lina,” “Stop Bully",  “Malaysia Tolak Pembuli போன்ற வாசகங்கள் கொண்ட பதாகைகளை ஏந்திச் சென்றனர்.

அமைச்சகத்தின் நுழைவாயிலில் இருந்து சில மீட்டர் தொலைவில் அவர்கள் கூடினர், அங்கு துணைப் போலீசார்  தடையை ஏற்படுத்தி அவர்களை தடுத்தி நிறுத்தினர்.

ஃபத்லினாவிடம் ஆர்வலர்கள் ஆறு கோரிக்கைகளை பட்டியலிட்டனர், அவை 30 நாட்களுக்குள் தீர்க்கப்பட வேண்டும் என்று அவர்கள் கூறுகிறார்கள்:

பள்ளிகளில் உளவியல் சமூக ஆதரவு அமைப்புகளை நிறுவுதல்

ஆசிரியர்கள், விடுதி வார்டன்களுக்கு கட்டாய பயிற்சியை நிறுவுதல்

பெற்றோர் கல்வி தொகுதியை செயல்படுத்துதல்: 

சுயாதீனமான, வெளிப்படையான பள்ளி கண்காணிப்பை உறுதி செய்தல்

தேசிய கொடுமைப்படுத்துதல் எதிர்ப்புத் திட்டத்தை அதிகாரப்பூர்வ நிகழ்ச்சி நிரலாக ஆக்குதல்

மாணவர்களைப் பாதுகாப்பதற்கான கூடுதல் நடவடிக்கைகள்
“இந்தக் கோரிக்கைகளை நிறைவேற்றத் தவறினால், ஃபத்லினா தனது பதவியில் இருந்து விலக வேண்டும்,” என்று மலேசிய முஸ்லிம் மாணவர் கூட்டணியின் (Gamis) அசாமதீன் சஹார் கூறினார்.

செகோலா மெனெங்கா கெபாங்சான் அகமா துன் டத்து முஸ்தபா டி பாப்பரின் விடுதிக்கு அருகிலுள்ள வடிகாலில் மயக்கமடைந்த நிலையில் கண்டுபிடிக்கப்பட்ட ஒரு நாளுக்குப் பிறகு, ஜூலை 17 அன்று குயின் எலிசபெத் I மருத்துவமனையில் ஜாரா கைரினா இறந்தார்.

ஐந்து பதின்பருவ பெண்கள் மீது கோத்த கினாபாலுவின் குழந்தைகள் நீதிமன்றத்தில் தவறான வார்த்தைகள் பயன்படுத்தியதாகக் குற்றம் சாட்டப்பட்டுள்ளது. அவர்களின் தனியுரிமையை உறுதி செய்யும் குழந்தைகள் சட்டம் 2001 இன் கீழ் அவர்களின் அடையாளங்களை வெளியிட முடியாது.

"இப்பிரச்சனைக்கு ஃபாத்லினாவை பொறுப்பேற்க வைக்க வேண்டும், ஏனெனில், ஜாராவின் வழக்கு. பகடிவதை கொடுமை பிரச்சினை தொடர்பாக இதுவரை எதுவும் செய்யப்படவில்லை," என்று மலாயா பல்கலைக்கழக புதிய இளைஞர் சங்கத்தின் ((Umany) தலைவர் டாங் யி ஸீ கூறினார்.

"ஃபாத்லினா எதிர்ப்பு" போராட்டத்தை காமிஸ், ஹராம் ஆகியோர் ஏற்பாடு செய்தனர், மேலும் உமானி, டெமோக்ராட் யுகேஎம், யுனைடெட் முஸ்லிம் மலேசியா உள்ளிட்ட இயக்கங்களும் இதில் இணைந்தன.

ஃபத்லினா அவர்களை நேரில் சந்தித்து அவர்களின் கோரிக்கைகளைக் கேட்கும் வரை போராட்ட இடத்தை விட்டு வெளியேற மாட்டோம் என்று அசாமுதீன் கூறினார்.

இருப்பினும், அமைச்சரின் அலுவலகத்தின் பிரதிநிதியான ஃபைஸ் ரஷீத், அவர் சார்பாக கோரிக்கைகளைப் பெற்றார்.

போராட்டம் மதியம் 12.30 மணியளவில் "ஃபத்லினா எங்கே?" என்ற கோஷங்களுடன் முடிந்தது.

- பார்த்திபன் நாகராஜன்