கொரோனா தொற்று பாதிப்பால் நடன இயக்குநர் சிவசங்கர் உடல்நிலை கவலைக்கிடம்

ஹைதராபாத்:

நடன இயக்குநரும், நடிகருமான சிவசங்கர் மாஸ்டர் கொரோனா தொற்றால் பாதிக்கப்பட்டுள்ளார். கொரோனா தொற்று பாதிப்பால் அவர் கவலைக்கிடமாக இருக்கிறார் என்று அவரது மகன் தெரிவித்துள்ளார். 

மண் வாசனை, திருடா திருடி, மகதீரா, பாகுபலி 1 உள்ளிட்ட படங்களில் நடன இயக்குநராக பணியாற்றியுள்ள சிவசங்கர் மாஸ்டர், மகதீரா படத்தில் தீர தீர என்ற பாடலுக்கு நடனம் அமைத்ததற்காக தேசிய விருதையும் பெற்றுளார். வரலாறு, சர்கார் உள்ளிட்ட படங்களிலும் நடித்துள்ளார்.

மூத்த நடன இயக்குநர் சிவசங்கர் மாஸ்டர் அவரது மனைவி மூத்த மகன் ஆகியோர் கொரோனா தொற்றால் பாதிக்கப்பட்டு, சிகிச்சைக்காக ஹைதராபாத்தில் AlG மருத்துவமனையில் அனுமதிக்கப்பட்டுள்ளனர். இதில் சிவசங்கர் மாஸ்டர்  ஆபத்தான நிலையிலிருந்து இருந்து வருகிறார்.