ஐரோப்பா லீக் கிண்ணம்: காலிறுதியாட்டத்தில் மென்செஸ்டர் யுனைடெட்

லண்டன்:

ஐரோப்பா லீக் கிண்ண கால்பந்து போட்டியின் காலிறுதி ஆட்டத்திற்கு மென்செஸ்டர் யுனைடெட் அணியினர் முன்னேறி உள்ளனர்.

ஓல்டு டிராப்போர்ட் அரங்கில் நடைபெற்ற சுற்று 16இன் இரண்டாவது ஆட்டத்தில் மென்செஸ்டர் யுனைடெட் அணியினர் ரியால் சோஷிடாட் அணியை சந்தித்து விளையாடினர்.

இதில் அபார ஆட்டத்தை வெளிப்படுத்திய மென்செஸ்டர் யுனைடெட் அணியினர் 4-1 என்ற கோல் கணக்கில் ரியால் சோஷிடாட் அணியை வீழ்த்தி வெற்றி பெற்றனர்.

மென்செஸ்டர் யுனைடெட் அணிக்காக புருனோ பெர்னாண்டஸ் ஹாட்ரிக் கோல்களை அடித்தார்.

மற்றொரு கோலை டியாகோ டாலோட் அடித்தார்.

இரு ஆட்டங்களின் முடிவில் 5-2 என்ற மொத்த கோல் கணக்கில் வெற்றி பெற்ற மென்செஸ்டர் யுனைடெட் அணியினர் அடுத்த சுற்றுக்கு முன்னேறினர்.

மற்றொரு ஆட்டத்தில் டோட்டன்ஹாம் அணியினர் 3-2 என்ற மொத்த கோல் கணக்கில் அல்க்மார் அணியை வீழ்த்தி அடுத்த சுற்றுக்கு முன்னேறினர்.

- பார்த்திபன் நாகராஜன்