ஸ்பெயின் கோபா டெல் ரெய் கிண்ணம் காலிறுதி சுற்றில் பார்சிலோனா

மாட்ரிட்:

ஸ்பெயின் கோபா டெல் ரெய் கிண்ண காலிறுதி சுற்றுக்கு பார்சிலோனா அணியினர் முன்னேறி உள்ளனர்.

ஒலிம்பிக் அரங்கில் நடைபெற்ற சுற்று 16 ஆட்டத்தில் பார்சிலோனா அணியினர் ரியால் பெதிஸ் அணியை சந்தித்து விளையாடினர்.

இதில் அபார ஆட்டத்தை வெளிப்படுத்திய பார்சிலோனா அணியினர் 5-1 என்ற கோல் கணக்கில் ரியால் பெதிஸ் அணியை வீழ்த்தி வெற்றி பெற்றனர்.

பார்சிலோனா அணியின் வெற்றி கோல்களை காவி, ஜூல்ஸ் குண்டே, ராபின்ஹா, பெரான் தோரஸ், லெமானே யமால் ஆகியோர் அடித்தனர்.

மற்றொரு ஆட்டத்தில் அட்லாட்டிகோ மாட்ரிட் அணியினர் 4-0 என்ற கோல் கணக்கில் எல்ஹி அணியை வீழ்த்தி அடுத்த சுற்றுக்கு முன்னேறினர்.

- பார்த்திபன் நாகராஜன்