லா லீகா கால்பந்துப் போட்டி: ரியல்மாட்ரிட் தோல்வி

மாட்ரிட்:

லா லீகா கால்பந்துப் போட்டியில் ரியல்மாட்ரிட் அணியினர் தோல்வி கண்டனர்.

ஆர்சிடிஇ அரங்கில் நடைபெற்ற ஆட்டத்தில் ரியல்மாட்ரிட் அணியினர் ஸ்பான்யோல் அணியை சந்தித்து விளையாடினர்.

விறுவிறுப்பாக நடைபெற்ற இந்த ஆட்டத்தில் ரியல்மாட்ரிட் அணியினர் 0-1 என்ற கோல் கணக்கில் ஸ்பான்யோல் அணியிடம் தோல்வி கண்டனர்.

பல முன்னணி ஆட்டக்காரர்களை கொண்டிருக்கும் ரியல்மாட்ரிட் அணியின் இந்த தோல்வி அதன் ரசிகர்களுக்கு பெரும் ஏமாற்றத்தை அளித்துள்ளது.

மற்றொரு ஆட்டத்தில் அட்லாட்டிகோ மாட்ரிட் அணியினர் 2-0 என்ற கோல் கணக்கில் மலோர்கா அணியை வீழ்த்தி வெற்றி பெற்றனர்.

கெதாஃபி அணியினர் கோல் எதுவும் அடிக்காமல் செவிலா அணியுடன் சமநிலை கண்டனர்.

வில்லாரியல் அணியினர் 5-1 என்ற கோல் கணக்கில் ரியால் வலாடோலிட் அணியை வீழ்த்தி வெற்றி பெற்றனர்.

- பார்த்திபன் நாகராஜன்