பிரிமியர் லீக்: புள்ளிப் பட்டியலின் முதலிடத்தை லிவர்பூல் தக்க வைத்து கொண்டது

லண்டன்:

இங்கிலாந்து பிரிமியர் லீக் புள்ளிப் பட்டியலின் முதலிடத்தை லிவர்பூல் அணியினர் தக்க வைத்து கொண்டனர்.

அன்பீல்டு அரங்கில் நடைபெற்ற ஆட்டத்தில் லிவர்பூல் அணியினர் லெய்செஸ்டர் சிட்டி அணியை சந்தித்து விளையாடினர்.

இதில் சிறப்பான ஆட்டத்தை வெளிப்படுத்திய லிவர்பூல் அணியினர் 3-1 என்ற கோல் கணக்கில் லெய்செஸ்டர் சிட்டி அணியை வீழ்த்தி வெற்றி பெற்றனர்.

லிவர்பூல் அணியின் வெற்றி கோல்களை கோடி காப்கோ, கெர்திஸ் ஜோனஸ், முகமத் சாலா ஆகியோர் அடித்தனர்.

இந்த வெற்றியை தொடர்ந்து லிவர்பூல் அணியினர் 42 புள்ளிகளுடன் பட்டியலில் முதலிடத்தை தக்க வைத்து கொண்டனர்.

மற்றொரு ஆட்டத்தில் செல்சி அணியினர் 1-2 என்ற கோல் கணக்கில் புல்ஹாம் அணியிடம் தோல்வி கண்டனர்.

டோட்டன்ஹாம் அணியினர் 0-1 என்ற கோல் கணக்கில் நோட்டிங்ஹாம் போரஸ் அணியிடம் தோல்வி கண்டனர்.

நியூகாஸ்டல் அணியினர் 3-0 என்ற கோல் கணக்கில் அஸ்டன்வில்லா அணியை வீழ்த்தி வெற்றி பெற்றனர்.

- பார்த்திபன் நாகராஜன்