இங்கிலாந்து கரபாவ் கிண்ணம்: அரையிறுதியில் அர்செனல்

லண்டன்:

இங்கிலாந்து கரபாவ் கிண்ண கால்பந்து போட்டியின் அரையிறுதி ஆட்டத்திற்கு அர்செனல், லிவர்பூல் அணிகள் முன்னேறி உள்ளன.

எமிரேட்ஸ் அரங்கில் நடைபெற்ற காலிறுதி ஆட்டத்தில் அர்செனல் அணியினர் கிறிஸ்டல் பேலஸ் அணியை சந்தித்து விளையாடினர்.

இதில் சிறப்பான ஆட்டத்தை வெளிப்படுத்திய அர்செனல் அணியினர் 3-2 என்ற கோல் கணக்கில் கிறிஸ்டல் பேலஸ் அணியை வீழ்த்தி வெற்றி பெற்றனர்.

அர்செனல் அணிக்காக அதன் முன்னணி ஆட்டக்காரர் கேப்ரியல் ஜேசுஸ் ஹாட்ரிக் கோல்களை அடித்தார்.

மற்றொரு ஆட்டத்தில் லிவர்பூல் அணியினர் 2-1 என்ற கோல் கணக்கில் சௌத்ஹாம்டன் அணியை வீழ்த்தி வெற்றி பெற்றனர்.

நியூகாஸ்டல் அணியினர் 3-1 என்ற கோல் கணக்கில் பிரின்போர்ட் அணியை வீழ்த்தி வெற்றி பெற்றனர்.

- பார்த்திபன் நாகராஜன்