இத்தாலி சிரி அ கிண்ணம்: இந்தர்மிலான் அபாரம்

ரோம்:

இத்தாலி சிரி அ கிண்ண கால்பந்து போட்டியில் இந்தர்மிலான் அணியினர் அபார வெற்றியை பதிவு செய்தனர்.

ஒலிம்பிக் அரங்கில் நடைபெற்ற ஆட்டத்தில் இந்தர்மிலான் அணியினர் லஷியோ அணியை சந்தித்து விளையாடினர்.

இதில் அபார ஆட்டத்தை வெளிப்படுத்திய இந்தர்மிலான் அணியினர் 6-0 என்ற கோல் கணக்கில் லஷியோ அணியை வீழ்த்தி வெற்றி பெற்றனர்.

இந்தர்மிலான் அணியின் வெற்றி கோல்களை ஹாகன் சாங்க்லோ, பெட்ரிகோ டிமார்கோ, நிகாலோ பரேலா, டேன்சல், கார்லோஸ் அகுஸ்தா, மார்கஸ் துராம் ஆகியோர் அடித்தனர்.

இங்கிலாந்து பிரிமியர் லீக் ஆட்டத்தில் ஏஎப்சி போர்னமௌத் அணியினர் 1-1 என்ற கோல் கணக்கில் வெஸ்ட்ஹாம் யுனைடெட் அணியுடன் சமநிலை கண்டனர்.

- பார்த்திபன் நாகராஜன்