420 கிலோகிராம் எடையுள்ள ஆடவரின் இறுதிச் சடங்குக்கு கைகொடுத்த தீயணைப்புப் படை

பாசிர் மாஸ்:

கிளந்தான் மாநிலத்தில் உள்ள பாசிர் ஹோர்  பகுதியில் மாண்ட ஆடவரை அடக்கம் செய்யும் பணிகளில் தீயணைப்பு, மீட்புத் துறை கைகொடுத்துள்ளது.

44 வயது ஷேக் முகமது அலி ஒமாரின்  எடை 420 கிலோ கிராமாகும்.

அவரது உடலைக் கொண்டு செல்ல 5 டன் லாரியையும் மாற்றியமைக்கப்பட்ட தள்ளுவண்டியையும் தீயணைப்புத் துறை தந்துள்ளது.

மொத்தம் 15 அதிகாரிகள் ஆடவரின் இறுதிச் சடங்குப் பணிகளில் உதவிகளை வழங்கினர் என்று மாநில தீயணைப்புப் படையின் உதவி இயக்குநர் முகமத் வில்டன் அஸ்ஹாரி கூறினார்.

மரணமடைந்த ஷேக் கழிப்பிடத்தில் மாட்டிக்கொண்டபோது தீயணைப்பாளர்கள் அவரை மீட்டதாக அவரது சகோதரி கூறினார்.

ஆனால் அதன் பின்னர் அவருக்கு மூச்சுத் திணறல் ஏற்பட்டு மாண்டார்.

- பார்த்திபன் நாகராஜன்