கிறிஸ்துமஸ், புத்தாண்டு விடுமுறையை முன்னிட்டு 2.12 மில்லியன் வாகனங்கள்  நெடுஞ்சாலைகளில் பயணிக்கும்

கோலாலம்பூர்:

கிறிஸ்துமஸ், புத்தாண்டை முன்னிட்டு 2.12 மில்லியன் வாகனங்கள் நெடுஞ்சாலைகளில் பயணிக்கும் என கணிக்கப்பட்டுள்ளது.

பிளஸ் மலேசியா நிறுவனம் இதனை ஓர் அறிக்கையின் வாயிலாக உறுதிப்படுத்தியது.

வரும் டிசம்பர் 20 முதல் கிறிஸ்துமஸ், புத்தாண்டு விடுமுறை நாட்களில் சாதாரண நாட்களை விட 14% அதிகரிக்கும்

குறிப்பாக ஒரு நாளைக்கு 2.12 மில்லியன் வாகனங்களை அது  எட்டும் என எதிர்பார்க்கப்படுகிறது.

ஜனவரி 2 வரை எதிர்பார்க்கப்படும் அதிக போக்குவரத்தை தொடர்ந்து, 

நெடுஞ்சாலை பயனர்கள் தங்கள் பயணங்களை முன்கூட்டியே திட்டமிடுமாறு அறிவுறுத்தப்படுகிறார்கள்.

MyPLUS-TTA டிஜிட்டல் பயணக் கால அட்டவணையானது பொதுமக்கள் தங்கள் பயணத்தைத் திட்டமிடுவதற்கு வசதியாக இருக்கும்.

அதே வேளையில், சுமூகமான  வசதியான பயணத்திற்கான போக்குவரத்தை உறுதிப்படுத்தும்.

மேலும் நெடுஞ்சாலையில் ஒரே நேரத்தில் வாகனங்கள் ஒரே நேரத்தில் குவிந்து, நெரிசலில் சிக்குவதைத் தவிர்ப்பதும் இதன் நோக்கமாகும் என்று  அந்த அறிக்கையில் குறிப்பிடப்பட்டுள்ளது.

- பார்த்திபன் நாகராஜன்