ஐரோப்பிய சாம்பியன் லீக்: அர்செனல் வெற்றி

லண்டன்:

ஐரோப்பிய சாம்பியன் லீக் கிண்ண கால்பந்துப் போட்டியில் அர்செனல் அணியினர் வெற்றி பெற்றனர்.

எமிரேட்ஸ் அரங்கில் நடைபெற்ற ஆட்டத்தில் அர்செனல் அணியினர் ஏஎஸ் மொனாக்கோ அணியை சந்தித்து விளையாடினர்.

இதில் அபார ஆட்டத்தை வெளிப்படுத்திய அர்செனல் அணியினர் 3-0 என்ற கோல் கணக்கில் ஏஎஸ் மொனாக்கோ அணியை வீழ்த்தி வெற்றி பெற்றனர்.

அர்செனல் அணிக்காக புகாயோ சகா இரு கோல்களை அடித்தார். மற்றொரு கோலை காய் ஹாவர்ட்ஸ் அடித்தார்.

மற்றோர் ஆட்டத்தில் மென்செஸ்டர் சிட்டி அணியினர் 0-2 என்ற கோல் கணக்கில் ஜூவாந்தஸ் அணியிடம் தோல்வி கண்டனர்.

மற்ற ஆட்டங்களில் பார்சிலோனா, அட்லாட்டிகோ மாட்ரிட், லில்லி, ஏசிமிலான் ஆகிய அணிகள் வெற்றி பெற்றன.

- பார்த்திபன் நாகராஜன்