கோலாலம்பூர் அனைத்துலக விமான நிலையத்தில் கைதான ஆடவர் மரணம்

ஷாஆலம்:

கோலாலம்பூர் அனைத்துலக விமான நிலையத்தில் பிரச்சினையில் ஈடுபட்ட ஆடவர் மாண்டார்.

வெளிநாட்டைச் சேர்ந்த அவருக்கு வயது 30.

பிரிட்டனிலிருந்து புக்கெட்டுக்கு  அவர் கோலாலம்பூர் வழியாகச் சென்றார்.

சென்ற சனிக்கிழமை அவர் கோலாலம்பூர் அனைத்துலக விமான நிலையத்தில் இருந்தபோது அவர் பிரச்சினைகளை ஏற்படுத்தி முரட்டுத்தனமாக நடந்து கொண்டார் சிலாங்கூர் போலிஸ்படைத் தலைவர் டத்தோ ஹுசைன் ஒமார் கான் கூறினார்.

போலிஸ் அதிகாரிகள் இருவரையும் துணைக் காவல் அதிகாரி ஒருவரையும் காயப்படுத்திய பிறகு ஆடவர் கைது செய்யப்பட்டார்.

அப்போது அவ்ஆடவர் சுயநினைவை இழந்தார்.

விமான நிலையத்தின் மருத்துவக் குழு அவருக்கு உதவியளித்து. ஆயினும் பின்னர் அவர் மாண்டது உறுதிசெய்யப்பட்டது.

அவரது உடல் செர்டாங்கில் உள்ள  சுல்தான் இட்ரிஸ் ஷா மருத்துவமனைக்கு அனுப்பப்பட்டது.

அங்குப் பிரேதப் பரிசோதனை நடத்தப்படும்.

அவர் உயிரிழந்ததற்கான காரணம் இன்னும் தெரியவில்லை என்று அவர் கூறினார்.

- பார்த்திபன் நாகராஜன்