அனைத்துலக நட்புமுறை ஆட்டம்: மலேசியா - இந்தியா சமநிலை

ஹைதராபாத்:

அனைத்துலக நட்புமுறை கால்பந்துப் போட்டியில் மலேசியா - இந்தியா அணிகள் சமநிலை கண்டன.

இந்தியா வந்த மலேசிய கால்பந்து அணி நட்புமுறை கால்பந்துப் போட்டியில் பங்கேற்றது. நேற்று ஹைதராபாத்தில் இப்போட்டி நடந்தது. 

போட்டியின் 19ஆவது நிமிடத்தில் பந்தை பிடிக்க இந்திய அணி கோல் காவலர் குர்பிரீத் சிங், முன்னோக்கி ஓடிவந்தார். 

பந்து இவரை கடந்து செல்ல, மலேசிய வீரர் ஜோஷு, யாரும் இல்லாத வலைக்குள் பந்தை தள்ளி எளிதாக கோல் அடித்தார்.

ஆட்டத்தின் 39ஆவது நிமிடத்தில் இந்திய அணிக்கு  மீண்டும் கார்னர் கிக் கிடைத்தது. 

இம்முறை பிரண்டன் பெர்ணான்டஸ் அடித்த பந்தை, தலையால் முட்டி கோலாக மாற்றினார் இந்தியாவின் ராகுல் பெக்கே.

60ஆவது நிமிடத்தில் இந்தியாவின் சாங்டே அடித்த பந்து, மலேசிய கோல் போஸ்டுக்கு மேலாக சென்றது.

முடிவில் போட்டி 1-1 என்ற கோல் கணக்கில் சமநிலையில் முடிந்தது.

- பார்த்திபன் நாகராஜன்