ஐரோப்பிய தேசிய லீக் கிண்ணம்: ஜெர்மனி அபாரம்

முனிச்:

ஐரோப்பிய தேசிய லீக் கிண்ண கால்பந்துப் போட்டியில் ஜெர்மனி அணியினர் அபார வெற்றியை பதிவு செய்தனர்.

ஐரோப்பா பார்க் அரங்கில் நடைபெற்ற ஆட்டத்தில் ஜெர்மனி அணியினர் போஸ்னியா அணியை சந்தித்து விளையாடினர்.

இதில் அபார ஆட்டத்தை வெளிப்படுத்திய ஜெர்மனி அணியினர் 7-0 என்ற கோல் கணக்கில் போஸ்னியா அணியை வீழ்த்தி வெற்றி பெற்றனர்.

ஜெர்மனி அணியின் கோல்களை ஜமால் முசிலா, திம் கிளேண்டஸ், காய் ஹாவர்ட்ஸ், புளோரிண்ட் விர்ட்ஸ், லெரோய் சனே ஆகியோர் அடித்தனர்.

மற்றொரு ஆட்டத்தில் நெதர்லாந்து அணியினர் 4-0 என்ற கோல் கணக்கில் ஹங்கேரி அணியை வீழ்த்தி வெற்றி பெற்றனர்.

சுவீடன் அணியினர் 2-1 என்ற கோல் கணக்கில் சுலோவேக்கியா அணியை வீழ்த்தி வெற்றி பெற்றனர்.

- பார்த்திபன் நாகராஜன்