ஐரோப்பிய தேசிய லீக் கிண்ணம்: போர்த்துகல் சமநிலை

லிஸ்பன்:

ஐரோப்பிய தேசிய லீக் கிண்ண கால்பந்துப் போட்டியில் போர்த்துகல் அணியினர் சமநிலை கண்டனர்.

கோல்ஜூட் அரங்கில் நடைபெற்ற ஆட்டத்தில் போர்த்துகல் அணியினர் குரோஷியா அணியை சந்தித்து விளையாடினர்.

விறுவிறுப்பாக நடைபெற்ற இந்த ஆட்டத்தில் போர்த்துகல் அணியினர் 1-1 என்ற கோல் கணக்கில் குரோஷியா அணியுடன் சமநிலை கண்டனர்.

போர்த்துகல் அணியின் கோலை ஜோ பெலிக்ஸ் அடித்த வேளையில் குரோஷியா கோலை ஜோஸ்கோ அடித்தார்.

மற்றொரு ஆட்டத்தில் ஸ்பெயின் அணியினர் 3-2 என்ற கோல் கணக்கில் சுவிட்ஸர்லாந்து அணியை வீழ்த்தி வெற்றி பெற்றனர்.

மற்ற ஆட்டங்களில் ஸ்காட்லாந்து, ருமேனியா ஆகிய அணிகள் வெற்றி பெற்றன.

- பார்த்திபன் நாகராஜன்