ஐரோப்பிய தேசிய லீக் கிண்ணம்: போர்த்துகல் அபாரம்

போர்தோ:

ஐரோப்பிய தேசிய லீக் கிண்ண கால்பந்துப் போட்டியில் போர்த்துகல் அணியினர் அபார வெற்றியை பதிவு செய்தனர்.

டிராகோவ் அரங்கில் நடைபெற்ற ஆட்டத்தில் போர்த்துகல் அணியினர் போலந்து அணியை சந்தித்து விளையாடினர்.

இதில் அபார ஆட்டத்தை வெளிப்படுத்திய போர்த்துகல் அணியினர் 5-1 என்ற கோல் கணக்கில் போலந்து அணியை வீழ்த்தி வெற்றி பெற்றனர்.

போர்த்துகல் அணிக்காக கிறிஸ்டியானோ ரொனால்டோ இரு கோல்களை அடித்தார்.

மற்ற கோல்களை ராபெல் லியோ, புருனோ பெர்னாண்டஸ், பெட்ரோ நேதோ ஆகியோர் அடித்தனர்.

மற்றொரு ஆட்டத்தில் ஸ்பெயின் அணியினர் 2-1 என்ற கோல் கணக்கில் டென்மார்க் அணியை வீழ்த்தி வெற்றி பெற்றனர்.

மற்ற ஆட்டங்களில் சைபரஸ், ஸ்காட்லாந்து உட்பட பல அணிகள் வெற்றி பெற்றன.

- பார்த்திபன் நாகராஜன்