பாகிஸ்தான் ரயில் நிலையத்தில் பயங்கரக் குண்டு வெடிப்பு: 20 பேர் மரணம்

கராச்சி:

பாகிஸ்தானில் உள்ள குவெட்டா ரயில் நிலையத்தில் இன்று காலை பயங்கர குண்டு வெடிப்பு சம்பவம் நிகழ்ந்தது.

இதில் சுமார் 20 பேர் மரணமடைந்த நிலையில் 30 பேர் காயம் அடைந்தனர்.

ரயில் ஒன்று தண்டவாளத்திற்கு வருவதற்கு சற்று முன்னதாக காத்திருக்கும் பகுதியில் குண்டு வெடித்தது முதற்கட்ட தகவலில் தெரிய வந்துள்ளது.

பெஷாவரில் இருந்து ஜாஃபர் எக்ஸ்பிரஸ் ரயில் சரியாக 9 மணிக்கு வர இருந்தது. 

ரயில் வந்திருந்தால் மரண எண்ணிக்கை மிகப்பெரிய அளவில் அதிகரித்திருக்கும்.

தற்கொலை படை மூலம் இந்த தாக்குதல் நடத்தப்பட்டிருக்கலாம்.

குண்டு வெடிப்பு எப்படி நிகழ்ந்தது என்பதை அறிய விசாரணை நடைபெற்று வருகிறது.

குண்டு வெடிப்பின் போது ரயில் நிலையத்தில் சுமார் 100 பேர் இருந்தனர் என குவெட்டா எஸ்.எஸ்.பி.தெரிவித்துள்ளார்.

மீட்பு குழுவின் தலைவர் ஜீஷன் ரயில் நிலையத்திற்கு உள்ளே காத்திருக்கும் பகுதியில்  குண்டு வெடித்தது எனத் தெரிவித்துள்ளார்.

- அஸ்வினி செந்தாமரை