நடுவானில் பறந்த ஹைனான் ஏர்லைன்ஸ் விமானத்தில் தீ

ரோம்: 

இத்தாலியின் ரோம் நகரிலிருந்து புறப்பட்ட  ஹைனான் ஏர்லைன்ஸ் விமானத்தின் இயந்திரத்தில் தீப்பற்றிக் கொண்டதால் அது மீண்டும் விமான நிலையத்திற்குத் திருப்பிவிடப்பட்டது.

விமானிகள் முன்னெச்சரிக்கையாக விமானத்தில் இருந்த எரிபொருளைக் கடலில் வீசினர்.

நிலவரத்தைக் கண்காணித்த உள்ளூர்க் கடற்படை வீரர்கள் தயார்நிலையில் இருந்தனர்.

249 பயணிகளும் 16 சிப்பந்திகளும் இருந்த விமானம் பின்னர் பாதுகாப்பாகத் தரையிறங்கியது.

சம்பவத்தில் யாரும் காயமடையவில்லை.

விமானம் மீது ஒரு பறவை மோதியதால் இயந்திரத்தில் கோளாறு ஏற்பட்டிருக்கலாம் என்று சந்தேகிக்கப்படுகிறது.

அதிகாரிகளின் விசாரணை தொடர்கிறது.

இந்நிலையில் சீனாவுக்குச் செல்லவிருந்த பயணிகளுக்கு மாற்று ஏற்பாடு செய்யப்பட்டுள்ளதாக  ஹைனான் ஏர்லைன்ஸ் தெரிவித்தது.

- அஸ்வினி செந்தாமரை