தீபாவளிக்கு வெளியாகிறது நடிகர் சிவகார்த்திகேயனின் அமரன் திரைப்படம்: ராஜ்கமல் ஃபிலிம்ஸ் நிறுவனம் அறிவிப்பு 

சென்னை: 

நடிகர் சிவகார்த்திகேயன் நடிப்பில் உருவாகியுள்ள அமரன் திரைப்படம் தீபாவளிக்கு வெளியாகும் என்று படத்தின் தயாரிப்பு நிறுவனமான ராஜ்கமல் ஃபிலிம்ஸ் நிறுவனம் அறிவித்துள்ளது. 

அமரன் திரைப்படத்தை இயக்குநர் ராஜ்குமார் பெரியசாமி இயக்கிய நிலையில் உலகநாயகன் கமல்ஹாசன் தயாரித்துள்ளார். இந்த படத்திற்கு ஜிவி பிரகாஷ்குமார் இசையமைத்துள்ளார். 

இந்த படத்தில் நடிகர் சிவகார்த்திகேயனுக்கு ஜோடியாக நடிகை சாய் பல்லவி நடித்துள்ளார். சிவகார்த்திகேயன் இந்த படத்தில் முகுந்தன் என்ற கதாப்பாத்திரத்தில் ராணுவ வீரராக நடித்துள்ளார். 

எதிர்வரும் அக்டோபர் 31ஆம் தேதி தீபாவளி பண்டிகையை முன்னிட்டு அமரன் வெளியாகிறது. இதனால் சிவகார்த்திகேயன் ரசிகர்கள் உற்சாகமடைந்துள்ளனர். 

அமரன் திரைப்படம் தீபாவளிக்கு வெளியாகும் என்று தெரிவிக்கும் விதமாக ராஜ்கமல் ஃபிலிம்ஸ் நிறுவனம் போஸ்டர் ஒன்றை வெளியிட்டுள்ளனர். இந்த போஸ்டர் சமூக ஊடகங்களில் வைரலாகியுள்ளது.

-மவித்திரன்