செய்திகள் இந்தியா
"இந்திய அரசின் தொடர் தொல்லை காரணமாக டெல்லியில் உள்ள தூதரகத்தை நிரந்தரமாக மூடுகிறோம்” - ஆப்கானிஸ்தான்
புதுடெல்லி:
இந்திய அரசாங்கத்தின் தொடர்ச்சியான சவால்களும் தொல்லைகளும் காரணமாக டெல்லியில் உள்ள தூதரகத்தை நிரந்தரமாக மூடுவதாக ஆப்கானிஸ்தான் இன்று வெள்ளிக்கிழமை அறிவித்துள்ளது.
டெல்லியிலுள்ள தூதரகத்தை மூடுவது தொடர்பாக ஆப்கன் தூதரகம் வெளியிட்டுள்ள அதிகாரப்பூர்வ அறிக்கையில் கூறியிருப்பதாவது:
"இந்திய அரசாங்கத்தின் தொடர்ச்சியான சவால்கள் காரணமாக டெல்லியில் உள்ள ஆப்கன் தூதரகம் நிரந்தரமாக மூடப்படுகிறது. இந்த நடவடிக்கை நவ.23-ம் தேதி முதல் அமலுக்கு வருகிறது.
கடந்த செப்.30-ம் தேதி தூதரகத்தின் செயல்பாடுகள் நிறுத்தப்பட்டதைத் தொடந்து இந்த நடவடிக்கை மேற்கொள்ளப்பட்டுள்ளது. இந்திய அரசின் நிலைப்பாடு மாறி, பணிகளைச் சாதாரணமாக செய்யும் அளவுக்கு நிலைமை இயல்பானதாக மாறும் என்ற நம்பிக்கையின் அடிப்படையில் இந்நடவடிக்கை எடுக்கப்பட்டுள்ளது.
இந்த நடவடிக்கையை சிலர் உள் முரண்பாடு மற்றும் தூதர்கள் தாலிபன்களுக்கு ஆதரவாக மாறிவிட்டார்கள் என்று முத்திரைக் குத்த முயற்சிக்கலாம்.
ஆனால் இந்நடவடிக்கை முழுக்க முழுக்க கொள்கைகள், நலன்களின் பரந்த மாற்றங்களின் அடிப்படையில் எடுக்கப்பட்டது. எங்களின் பணிக்காலம் முழுவதும், இந்தியாவில் உள்ள ஆப்கன் மக்கள் வழங்கிய ஆதரவுக்கும் புரிதலுக்கும் தூதரகம் தனது மனமார்ந்த நன்றியினைத் தெரிவித்துக் கொள்கிறது.
காபூலில் ஒரு நிலையான அரசாங்கம் இல்லாத போதிலும் தூதரகம் அவர்களின் நலன்களுக்காக செயல்பட்டுள்ளது என்று தெரிவிக்கப்பட்டுள்ளது.
முன்னதாக, நவம்பர் 1ஆம் தேதி முதல் இந்தியாவுடனான அனைத்து தூதரக நடவடிக்கைகளையும் நிறுத்துவதாக அறிக்கை ஒன்றில் கூறப்பட்டிருந்தது. அதில், "ஆழ்ந்த வருத்தத்துடனும், சோகத்துடனும், ஏமாற்றத்துடனும் புதுடெல்லியில் உள்ள ஆப்கன் தூதரகம் அதன் அனைத்து செயல்பாடுகளையும் நிறுத்துகிறது" என்று கூறப்பட்டிருந்தது.
- ஆர்யன்
தொடர்புடைய செய்திகள்
May 5, 2024, 6:11 pm
இந்திய மக்களவைத் தேர்தல் 2024: 3ஆம் கட்ட பிரச்சாரம் இன்று நிறைவடைகிறது
May 5, 2024, 11:18 am
மலேசியாவுக்கு விரைவில் இந்தியா வெங்காயம் ஏற்றுமதி செய்யும்; தடை நீங்கியது.
May 4, 2024, 11:34 pm
ஓராண்டாகியும் ஒழியா மணிப்பூர் கலவரம்
May 4, 2024, 10:25 pm
ராகுலுக்கு ரூ. 20 கோடி சொத்து
May 4, 2024, 12:18 pm
கைதான யூடியூபர் சவுக்கு சங்கர் சென்ற வாகனம் விபத்து: தாராபுரம் அருகே பரபரப்பு
May 4, 2024, 12:17 pm
போலீசார் குறித்து அவதூறு பேச்சு: சவுக்கு சங்கர் கைது
May 4, 2024, 6:54 am
கடும் வெயிலில் வாடிய பெங்களூரு மக்களுக்கு மகிழ்ச்சி: 2 நாட்களாக தொடர் மழை
May 2, 2024, 6:44 am
சந்திரசேகர ராவ் 48 மணி நேரம் பிரச்சாரம் செய்ய தேர்தல் ஆணையம் தடை
May 1, 2024, 12:11 am
மோடி தேர்தலில் போட்டியிட தடை கோரிய வழக்கு தள்ளுபடி
April 30, 2024, 11:53 pm