சவூதி புரோ லீக் கிண்ணம்: அல் நசர் அணி வெற்றி

ரியாத்:

சவூதி புரோ லீக் கிண்ண கால்பந்து போட்டியில் அல் நசர் அணியினர் வெற்றி பெற்றனர்.

டமாம் அரங்கில் நடைபெற்ற ஆட்டத்தில் அல் நசர் அணியினர் அல் எத்திஃபாக் அணியை சந்தித்து விளையாடினர்.

இதில் சிறப்பான ஆட்டத்தை வெளிப்படுத்திய அல் நசர் அணியினர் 3-2 என்ற கோல் கணக்கில் அல் எத்திஃபாக் அணியை வீழ்த்தி வெற்றி பெற்றனர்.

அல் நசர் அணிக்காக சாடியோ மனே இரு கோல்களை அடித்தார். மற்றொரு கோலை அப்துல்லா அல் அம்ரி அடித்தார்.

மற்றொரு ஆட்டத்தில் அல் ரியாத் அணியினர் 3-3 என்ற கோல் கணக்கில் அல் ஷபாப் அணியுடன் சமநிலை கண்டனர்.

அல் டவுன் அணியினர் கோல் எதுவும் அடிக்காமல் அல் ஃபாயா அணியுடன் சமநிலை கண்டனர்.

- பார்த்திபன் நாகராஜன்