நவீன வசதிகளுடன் ஒரு சிறிய சொர்க்கம்

ஹுவாரல்: 

பெருவின் வடக்கில் உள்ள அவுகல்லாமா மாவட்டம் வெறும் 63 சென்டிமீட்டர் (செ.மீ.) அகலம் மட்டுமே கொண்ட உலகின் மிகவும் குறுகிய வீட்டைக் கொண்டுள்ளது.

இந்தச் சிறிய, குறைந்தபட்சவாத வீடுகள் பல ஆண்டுகளாக இருந்துவருகின்றன, அதற்கான தேவையும் அதிகரித்துவருகிறது. 

வெறும் 63 செ.மீ. அகலமுள்ள இடத்தில் அனைத்து நவீன வீட்டு வசதிகளையும் வழங்கும் வகையில் இது வடிவமைக்கப்பட்டுள்ளது.

உள்ளூர் குடியிருப்பாளர் ஃபேபியோ மொரேனோவால் வடிவமைக்கப்பட்டு உரிமை கொண்ட அவுகல்லாமாவின் இந்தக் குறுகிய வீடு, வீட்டின் அளவை அல்ல, கொடுக்கப்பட்ட இடத்தை எப்படி பயன்படுத்துகிறோம் என்பதில்தான் மகிழ்ச்சி தங்கியிருக்கிறது என்ற கருத்தைத் தெரிவிக்கும் நோக்கத்துடன் கட்டப்பட்டது.

குறுகிய கட்டமைப்பு, பளிச்சிடும் வண்ணங்கள் ஆயிரக்கணக்கான பார்வையாளர்களை ஈர்த்துள்ளன, இது பிரபலமான சுற்றுலா ஈர்ப்பாக மாறும் என்று எதிர்பார்க்கப்படுகிறது.

வெளிப்புற கலை நிறுவலாக மட்டுமே தோன்றினாலும், உலகின் மிகவும் குறுகிய இந்த வீடு குளியலறை, சமையலறை, உணவருந்தும் இடம், நடைபாதை, படுக்கையறை, படிக்கும் இடம், துணி துவைக்கும் இடம், இரண்டு மாடிகளை இணைக்கும் படிக்கட்டுகள் உட்பட பெரும்பாலான நவீன வசதிகளைக் கொண்டுள்ளது.

அவுகல்லாமாவின் முக்கிய சதுக்கத்திற்கு எதிரே அமைந்துள்ள இந்த வீட்டை பொதுமக்கள் பார்வையிடலாம், ஆனால் குறுகிய இடத்தால் இரண்டு அல்லது அதிகமான நபர்கள் ஒரே நேரத்தில் உள்புறத்தைப் பார்ப்பது கடினம்.
'உலகின் மிகவும் குறுகிய வீடு' என்ற பட்டத்திற்காக கின்னஸ் உலக சாதனை புத்தகத்திற்கு விண்ணப்பம் அனுப்பியுள்ளார் மொரேனோ, ஆனால் உறுதிப்படுத்தல் சிறிது நேரம் ஆகலாம் எனறு தெரிவிக்கப்பட்டுள்ளது.
கின்னஸ் அமைப்பு அதிகாரப்பூர்வ அளவீடுகள், தொழில்நுட்ப ஆவணங்கள் உட்பட சரிபார்ப்பு செயல்முறையை நடத்த வேண்டியிருக்கும். எனினும், உலக சாதனையை வெற்றிகரமாக பெறுவோம் என்று மொரேனோ நம்பிக்கையாக உள்ளார்.

-சங்கீர்த்தனா