நோன்பு பெருநாள் அனைவருக்கும் மகிழ்ச்சியையும் அமைதியையும் கொண்டு வரட்டும்: டத்தோ சரவணக்குமார்

நீலாய்:

நோன்பு பெருநாள் அனைவருக்கும் மகிழ்ச்சியையும் அமைதியையும் கொண்டு வரட்டும்.

நெகிரி செம்பிலான் பெர்சத்து சயாப் பிரிவின் தலைவர் டத்தோ வீ. சரவணக்குமார் தனது வாழ்த்து செய்தியில் கூறினார்.

நோன்பு பெருநாளை கொண்டாடும் இந்த நாட்டின் அனைத்து முஸ்லிம்களுக்கும் பெருநாள் வாழ்த்துகள்.
ஒரு மாத கால நோன்பு, பசி தாகத்தைத் தாங்குதல், பொறுமை, நேர்மை ஆகிய நற்பண்புகளால் ஆன்மாவைப் பயிற்றுவித்தல் ஆகியவற்றுக்குப் பிறகு, வெற்றியின் தருணம் வந்துள்ளது.

அது மகிழ்ச்சியுடனும் எளிமையுடனும் கொண்டாடப்படுகிறது.

ஹரிராயா என்பது வெறும் கொண்டாட்டம் மட்டுமல்ல. ஒவ்வொரு மனிதரிடமும் உயர்ந்த மத விழுமியங்களை வலுப்படுத்துவதில் கிடைத்த வெற்றியின் சின்னமாகும்.

தியாகத்தின் பொருள், தேவையிலுள்ளோருக்கு உதவுவதன் முக்கியத்துவம், குடும்பங்கள், அண்டை வீட்டார், சமூகங்களுக்கிடையேயான உறவுகளை வலுப்படுத்துதல் ஆகியவற்றைப் பற்றி அது நமக்குக் கற்பிக்கிறது.

இந்த ஆசீர்வதிக்கப்பட்ட சூழலில், இதுவரை நாம் அனுபவித்துவரும் அமைதி, ஆரோக்கியம், செழிப்பு ஆகிய அனைத்து ஆசீர்வாதங்களுக்கும் இறைவனுக்கு ஒன்று சேர்ந்து நமது நன்றியைச் செலுத்துவோம்.

பல்வேறு மதங்கள், கலாச்சாரங்களில் வாழும் மலேசியர்களாகிய நாம், ஒற்றுமையின் உணர்வைத் தொடர்ந்து பாதுகாத்து வலுப்படுத்த வேண்டும்.

ஒருவரையொருவர் புரிந்துகொள்வதற்கும், நல்லிணக்கத்துடன் நிலவும் வேறுபாடுகளை மதித்து கொண்டாடுவதற்கும் ஹரி ராயா ஒரு சிறந்த தளமாகும் என்று அவர் கூறினார்.

- பார்த்திபன் நாகராஜன்