வரைவு வாக்காளர் பட்டியலில் பட்​டியலில் 97.37 லட்​சம் பேரின் பெயர்​கள் நீக்​கம்: தமிழக தலைமை தேர்தல் அதிகாரி அர்ச்சனா பட்நாயக்

சென்னை: 

தமிழகத்​தில் சிறப்பு தீவிர திருத்​தப் பணி​களை தொடர்ந்து வெளி​யிடப்​பட்ட வரைவு வாக்​காளர் பட்​டியலில் 97.37 லட்​சம் பேரின் பெயர்​கள் நீக்​கப்​பட்​டுள்​ளன. 

கடந்த அக்​.27-ஆம் தேதி நில​வரப்​படி, 6.41 கோடி வாக்​காளர்​கள் இருந்த நிலை​யில், தற்​போது 5.44 கோடி வாக்​காளர்​கள் இருப்​ப​தாக தமிழக தலைமை தேர்​தல் அதி​காரி அர்ச்​சனா பட்​நாயக் தெரி​வித்​துள்​ளார்.

தமிழகத்​தில் வாக்​காளர் பட்​டியல் சிறப்பு தீவிர திருத்த (எஸ்​ஐஆர்) பணி​கள் கடந்த அக்​. 27-ஆம் தேதி இந்​திய தேர்​தல் ஆணை​யத்​தால் அறிவிக்​கப்​பட்​டது. நவ.4-ஆம் தேதி எஸ்​ஐஆர் பணி​கள் தொடங்​கின. 

இப்​பணி​யில் 68 ஆயிரம் வாக்​குச்​சாவடி நிலை அலு​வலர்​கள் (பிஎல்ஓ) ஈடு​படுத்​தப்​பட்​டனர். அவர்​கள் வீடு வீடாக சென்று, எஸ்​ஐஆர் படிவங்​களை வழங்​கி, ஆய்வு செய்​து, பூர்த்தி செய்த படிவங்​களை கணினி​யில் பதிவேற்​றினர். இப்​பணி​கள் கடந்த டிச.14-ஆம் தேதி நிறைவடைந்​தன.

ஏற்​கெனவே அறி​வித்​த​படி, தமிழகத்​தில் உள்ள 234 தொகு​தி​களுக்​கான வரைவு வாக்​காளர் பட்​டியல்​களை, சம்​பந்​தப்​பட்ட தொகு​தி​கள் இடம்​பெற்​றுள்ள மாவட்​டங்​களின் ஆட்​சி​யர்​கள், அங்​கீகரிக்​கப்​பட்ட கட்​சிகளின் பிர​தி​நி​தி​கள் முன்​னிலை​யில் நேற்று வெளி​யிட்​டனர். 

இதுதொடர்​பாக சென்​னை​யில் செய்​தி​யாளர்​களிடம் தமிழக தலைமை தேர்​தல் அதி​காரி அர்ச்​சனா பட்​நாயக் நேற்று கூறிய​தாவது:

வாக்​காளர் பட்​டியல் சிறப்பு தீவிர திருத்​தப் பணி​யில், கணக்​கெடுப்பு பணி நிறைவுற்று வரைவு வாக்​காளர் பட்​டியல்​கள் வெளி​யிடப்​பட்​டுள்​ளன. அனைத்து வாக்​குச்​சாவடி மையங்​கள், சிறப்பு முகாம்​களி​லும் மக்​கள் பார்​வைக்​காக இந்த ​பட்​டியல் வைக்​கப்​படும். 

http://www.elections.tn.gov.in என்ற இணை​யதளத்​தி​லும் வெளி​யிடப்​படும். 

இதில் மக்​கள் தங்​களது பெயர் மற்​றும் குடும்​பத்​தில் உள்ள வாக்​காளர்​களின் பெயர்​ விவரங்​களை சரி​பார்த்​துக் கொள்​ளலாம்.

ஜன.18 வரை விண்ணப்பம்: இந்த பட்​டியலின் அடிப்​படை​யில், தகு​தி​யுள்ள வாக்​காளர்​களை புதி​தாக சேர்க்க அல்​லது தகு​தி​யற்ற வாக்​காளர்​களை நீக்க எந்த ஒரு வாக்​காள​ரும், அரசி​யல் கட்​சி​யும் தங்​கள் ஆட்​சேபனை​களை டிச.19-ஆம் தேதி (நேற்​று) முதல் 2026 ஜனவரி 18-ஆம் தேதி வரை தாக்​கல் செய்​ய​லாம். 

இதை ஆய்வு செய்ய 234 வாக்​காளர் பதிவு அலு​வலர்​கள், 1,776 உதவி வாக்​காளர் பதிவு அலு​வலர்​கள் பணி​யில் உள்​ளனர்.

இந்த கால​கட்​டத்​தில், வரைவு வாக்​காளர் பட்​டியலில் இடம் பெறாதவர்​கள், வரும் ஜன.1-ம் தேதி 18 வயது பூர்த்தி அடைந்த இளம் வாக்​காளர்​கள் படிவம் 6-ஐ பூர்த்தி செய்து வழங்​கலாம். வாக்​காளர் பட்​டியலில் நிரந்தர இடமாற்ற பதிவு​கள், உயி​ரிழந்​தோர் உள்​ளிட்ட ஆட்​சேபனை தொடர்​பாக படிவம் 7-ஐ பூர்த்தி செய்​தும், தொகு​தி​களி​லேயே ஒரு இடத்​தில் இருந்து மற்​றொரு இடத்​துக்கு குடிபெயர்ந்து புதிய வசிப்​பிடத்​தில் உள்​ளவர்​களும், வேறு தொகு​திக்கு குடிபெயர்ந்​தவர்​களும் படிவம் 8-ஐ பூர்த்தி செய்​தும், அதற்​கான ஆவண ஆதார நகல்​களை இணைத்து சம்​பந்​தப்​பட்ட சட்​டப்​பேரவை தொகு​திக்கு உட்​பட்ட, தொடர்​புடைய பகு​திக்​கான வாக்​காளர் பதிவு அலு​வலரிடம் சமர்ப்​பிக்​கலாம்.

அனைத்து வாக்​குச்​சாவடி மையங்​களில் சிறப்பு முகாம்​ நடை​பெறும்​போது உரிய படிவங்​களை பிஎல்​ஓக்​களிட​மும் சமர்ப்​பிக்​கலாம். www.elections.tn.gov.in என்ற இணை​யதளம் மூல​மாக​வும், பெயர் சேர்த்​தல், நீக்​கம், திருத்​தங்​கள் மேற்​கொள்​ளலாம். தமிழகத்​தில் 68,467 வாக்​குச்​சாவடிகள் இருந்த நிலை​யில், தற்​போது புதி​தாக 6,568 வாக்​குச் ​சாவடிகள் உரு​வாக்​கப்​பட்​டு, மொத்​தம் 75,035 சாவடிகள் அமைக்​கப்​பட்​டுள்​ளன.

தமிழகத்​தில் கடந்த அக்​.27 நில​வரப்​படி, 6 கோடியே 41 லட்​சத்து 14 ஆயிரத்து 584 வாக்​காளர்​களின் பெயர்​கள் இடம்​பெற்​றிருந்​தன. நடந்து முடிந்த எஸ்​ஐஆர் திருத்​தத்​தின்​படி, தமிழகத்​தில் 2,66,63,233 ஆண் வாக்​காளர்​கள், 2,77,06,332 பெண் வாக்​காளர்​கள், 7,191 இதர வாக்​காளர்​கள் என மொத்​தம் 5 கோடியே 43 லட்​சத்து 76 ஆயிரத்து 756 வாக்​காளர்​களின் பெயர்​கள் வரைவுவாக்​காளர் பட்​டியலில் இடம் பெற்​றுள்​ளன.

உயிரிழந்த வாக்​காளர்​கள் 26,95,672 பேர், இடம்​பெயர்ந்​தோர் மற்​றும் குறிப்​பிட்ட முகவரி​யில் வசிக்​காத 66,44,881 பேர், இரட்டை பதிவு வாக்​காளர்​கள் 3,98,278 பேர் என மொத்​தம் 97 லட்​சத்து 37 ஆயிரத்து 831 வாக்​காளர்​களின் பெயர்​கள் நீக்​கப்​பட்​டுள்​ளன. அதி​கபட்​ச​மாக சோழிங்​கநல்​லூர், பல்​லா​வரம், ஆலந்​தூர் தொகு​தி​களில் வாக்​காளர்​கள் நீக்​கப்​பட்​டுள்​ளனர்.

இந்த எஸ்​ஐஆர் பணி​களின்​போதே 5.19 லட்​சத்​துக்​கும் மேற்​பட்​டோரிடம் இருந்து படிவம்-6 பெறப்​பட்​டுள்​ளது. வாக்​காளர் பட்​டியலில் பெயர் இடம்​பெறாதவர்​கள் ஜன18-ம் தேதிக்​குள் விண்​ணப்​பிக்​கலாம், ஆட்​சேபனை​களை​யும் வழங்​கலாம். இவ்​வாறு அவர் கூறி​னார்.

- ஆர்யன்