தேசியக் கூட்டணியில் இணைய மஇகா விண்ணப்பித்துள்ளது: டான்ஸ்ரீ மொஹைதின்

கோலாலம்பூர்:

தேசியக் கூட்டணியில் இணைய மஇகா விண்ணப்பித்துள்ளது.

அக்கூட்டணியின் தலைவர் டான்ஸ்ரீ மொஹைதின் யாசின் இதனை கூறினார்.

தேசியக் கூட்டணியில் இணைய மஇகா விண்ணப்பித்துள்ளது.

தேசியக் கூட்டணியின் மிக உயர்ந்த தலைமைத்துவக் குழுவின் கூட்டத்தில் இந்த விண்ணப்பம் விவாதிக்கப்படும்.
ஆனால் கொள்கையளவில், அனைத்து கட்சிகளும் மஇகாவின் விண்ணப்பத்தை வரவேற்கின்றன.

சபா தேர்தல் முடிந்ததும் மஇகா தாக்கல் செய்த விண்ணப்பம் குறித்து ஒரு கூட்டத்தை நடத்தி விரிவாக விவாதிப்போம் என அதன் தலைவர், பொதுச்செயலாளரிடம் நான் தெரிவித்துள்ளேன் என்று அவர் ஒரு செய்தியாளர் கூட்டத்தில் கூறினார்.

விண்ணப்பத்தை மறுபரிசீலனை செய்ய தேசியக் கூட்டணி உச்ச மன்றம் கூட்டத்தை நடத்தும்போது இறுதி முடிவு எடுக்கப்படும்.

அதன் பிறகு இந்த  முடிவை அதிகாரப்பூர்வமாக அறிவிப்போம்.

ஷாஆலமில் நடந்த உரிமை கட்சியின் மாநாட்டில் கலந்து கொண்ட பிறகு டான்ஸ்ரீ மொஹைதின் இதை அறிவித்தார்.

- பார்த்திபன் நாகராஜன்