மலேசிய கபடி சங்க வரலாற்றில் முதல் முறையாக தமிழ்ப்பள்ளிகளுக்கான கபடிப் போட்டி நடைபெற்றது: பீட்டர்

மலாக்கா:

மலேசிய கபடி சங்க வரலாற்றில் முதல் முறையாக தமிழ்ப்பள்ளிகளுக்கான கபடிப் போட்டி நடைபெற்றது.

அச்சங்கத்தின் புதிய தலைவர் பத்மநாதன் (பீட்டர்) இதனை கூறினார்.

தமிழ்ப்பள்ளிகளுக்கு இடையிலான தேசிய கபடிப் போட்டி மலாக்காவில் நடைபெற்றது.

கடந்த மூன்று நாட்களுக்கு நடைபெற்ற இப்போட்டியில் 6 மாநில அணிகள் கலந்து கொண்டன.

ஆண், பெண் இரு பிரிவுகளும் போட்டியாளர்கள் கலந்து கொண்டு தங்களின் திறனை வெளிப்படுத்தினர்.

மலேசிய கபடி சங்கத்தின் 25 ஆண்டுகால வரலாற்றில் முதல் முறையாக தமிழ்ப்பள்ளிகளுக்கான போட்டி நடத்தப்படுகிறது.

இப்போட்டிகளில் அதிகமான போட்டியாளர்கள் கலந்து கொள்வது மகிழ்ச்சி.

குறிப்பாக சரவாக்கில் இருந்து கூட போட்டியாளர்கள் இப்போட்டியில் கலந்து கொண்டனர்.

இதுவொரு தொடக்கம் தான். அடுத்தாண்டு இன்னும் சிறப்பான முறையில் போட்டிகள் நடத்தப்படும்.

குறிப்பாக 14 வயதுக்கு கீழ்ப்பட்டவர்களுக்கான போட்டியை நடத்தவும் கபடி சங்கம் ஆராய்ந்து வருகிறது.

ஆக போட்டியாளர்கள் இப்போட்டியுடன் நின்று விடாமல் தொடர்ந்து கபடி பயிற்சிகளை மேற்கொள்ள வேண்டும்.

கபடியை ஒருபோதும் நீங்கள் மறந்து விடக்கூடாது.

காரணம் நீங்கள் தான் நாளைய தேசிய கபடி போட்டியாளர்கள் என்று பீட்டர் கூறினார்.

- பார்த்திபன் நாகராஜன்