சபா மாநில தேர்தலில் ஜிஆர்எஸ் 29 தொகுதிகளை வென்றது: தேர்தல் ஆணையர் ரம்லான் ஹாருன்

கோத்தா கினபாலு -

17ஆவது சபா மாநிலத் தேர்தலில் ஜிஆர்எஸ் கட்சி 29 சட்டமன்றத் தொகுதிகளை வென்று தனது பலத்தை மீண்டும் நிரூபித்துள்ளது.

வாரிசான் கட்சி 25 இடங்களை வென்றுள்ளது.

தேசிய முன்னணி ஆறு இடங்களில் பெற்றுள்ளதாக தேர்தல் ஆணையத்தின் தலைவர் டத்தோஸ்ரீ ரம்லான் ஹாருன் தெரிவித்தார்.

சுயேச்சைகள் ஐந்து இடங்களையும், ஐக்கிய முற்போக்கு கினபாலு அமைப்பு (உப்கோ) மூன்று இடங்களையும், ஸ்டார் சபா இரண்டு இடங்களையும், கேடிஎம் ஒரு இடத்தையும், தேசியக் கூட்டணி ஒரு இடத்தையும், நம்பிக்கை கூட்டணி ஒரு இடத்தையும் வென்றன.

இந்த 17ஆவது சபா தேர்தலில் மொத்தம் 1,148,476 பேர் அல்லது 64.35 சதவீதம் பேர் வாக்களித்தனர்.

இந்தத் தேர்தலில் வாக்களித்த வழக்கமான வாக்காளர்கள், ஆரம்பகால வாக்காளர்கள், அஞ்சல் வாக்காளர்களின் எண்ணிக்கையும் இதில் அடங்கும.

சபா கூட்டாட்சி அரசு நிர்வாக வளாகத்தில் நடந்த செய்தியாளர் கூட்டத்தில் அவர் இதனை கூறினார்.

- பார்த்திபன் நாகராஜன்