தேசிய கபடிப் போட்டியில் சிலாங்கூர் அணி சாம்பியன்

மலாக்கா:

தேசிய கபடி விளையாட்டு போட்டியில் சிலாங்கூர் அணியினர் சாம்பியன் பட்டத்தை வென்றனர்.

தமிழ்ப்பள்ளிகளுக்கு இடையிலான தேசிய கபடிப் போட்டி மலாக்காவில் நடைபெற்றது.

கடந்த மூன்று நாட்களுக்கு நடைபெற்ற இப்போட்டியில் 6 மாநில அணிகள் கலந்து கொண்டன.

ஆண், பெண் இரு பிரிவுகளும் போட்டியாளர்கள் கலந்து கொண்டு தங்களின் திறனை வெளிப்படுத்தினர்.

விறுவிறுப்பாக நடைபெற்ற இப்போட்டியின் ஆண்கள் பிரிவில் சிலாங்கூர் அணியினர் முதல் நிலையில் வெற்றி பெற்றனர்.

ஜொகூர் அணியினர் இரண்டாவது இடத்தை பிடித்தனர்.

சரவா அணியும் கோலாலம்பூர் அணியும் மூன்றாவது இடத்தை பிடித்தன.

பெண்கள் பிரிவிலும் சிலாங்கூர் அணியின் முதல் இடத்தில் வெற்றி பெற்றனர்.

கோலாலம்பூர் அணியினர் இரண்டாவது இடத்தை பிடித்த வேளையில் ஜொகூர், சரவா அணிகள் அடுத்தடுத்த நிலையில் வெற்றி பெற்றன.

வெற்றி பெற்ற அணிகளுக்கு கிண்ணமும் பதக்கங்களும் வழங்கப்பட்டன.

மலேசிய கபடி சங்கத்தின் தலைவர் பீட்டர், செயலாளர் அருள் பிரகாஷ் உட்பட பல பிரமுகர்கள் பரிசுகளை எடுத்து வழங்கி சிறப்பித்தனர்.

- பார்த்திபன் நாகராஜன்