சபா மாநில முதலமைச்சராக ஹாஜிஜி இரண்டாவது முறையாகப் பதவியேற்றார்

கோத்தா கினபாலு:

சபா மாநில முதலமைச்சராக ஹாஜிஜி இரண்டாவது முறையாகப் பதவியேற்றார்.

சபாவின் புதிய முதலமைச்சராக ஜிஆர்எஸ் கட்சியின் தலைவரும், சுலாமான் சட்டமன்ற உறுப்பினருமான  டத்தோஸ்ரீ ஹாஜிஜி நூர் இன்று அதிகாலை பதவியேற்றார்.

ககாசன் ரக்யாட் சபா கட்சியின் தலைவருமான அவர், இஸ்தானா ஸ்ரீ கினாபாலுவில் உள்ள ஆளுநர் துன் மூசா அமான் முன், அதிகாலை 3.05 மணிக்கு பதவிப் பிரமாணம் செய்து கொண்டார்.

ஜிஆர்எஸ் பொதுச்செயலாளர் டத்தோஸ்ரீ மசிடி மஞ்சுன், ஜிஆர்எஸ் துணைப் பொதுச்செயலாளர் டத்தோ ஆர்மிசான் முகமட் அலி, சபா மாநில சட்டசபை சபாநாயகர் டத்தோஸ்ரீ காட்ஜிம் எம் யாஹ்யா, சபா அட்டர்னி ஜெனரல் டத்தோ பிரெண்டன் கீத் சோ, துன் மூசாவின் தனிச் செயலாளர், இஷாருதீன் ஜலாலுடின் உட்பட பலர் இந்நிகழ்வில் கலந்து கொண்டனர்.

- பார்த்திபன் நாகராஜன்