ஹாஜிஜி நூர் இன்றிரவு பதவியேற்பார் என்று எதிர்பார்க்கப்படுகிறது

கோத்தா கினபாலு:

ஜிஆர்எஸ் கட்சியின் தலைவர் ஹாஜிஜி நூர் இன்று இரவு சபா முதலமைச்சராகப் பதவியேற்பார் என்று எதிர்பார்க்கப்படுகிறது.

17ஆவது சபா மாநிலத் தேர்தலின் அதிகாரப்பூர்வமற்ற முடிவுகள், ஜிஆர்எஸ் மாநில அரசாங்கத்தை அமைப்பதற்கான பாதையில் செல்வதைக் காட்டியதைத் தொடர்ந்து இது கூறப்படுகிறது.

கூட்டணிக் கட்சிகள், கூட்டரசு மட்டத்தில் மூலோபாய பங்காளிகளுடனான பேச்சுவார்த்தைகள் உட்பட, இன்று மாலை முதல் தொடர்ச்சியான தலைமைத்துவ விவாதங்கள் நடந்ததாக ஜிஆர்எஸ் உள் வட்டாரங்கள் தெரிவித்தன.

புதிய அரசாங்கத்தை அமைப்பது தொடர்பான முன்னேற்றங்கள் குறித்து இஸ்தானா ஸ்ரீ கினபாலுவுக்குத் தெரிவிக்கப்பட்டுள்ளதும்

மாநில ஆளுநர் துன் மூசா அமானைச் சந்திப்பதற்கான செயல்முறைக்கு ஆரம்ப ஏற்பாடுகள் செய்யப்பட்டுள்ளதாகவும் அறியப்படுகிறது.

- பார்த்திபன் நாகராஜன்