பழைய நண்பர்களுக்கு உதவ சபாவுக்குச் செல்வேன்: கைரி

கோலாலம்பூர்:

பழைய நண்பர்களுக்கு உதவ சபா மாநிலத்திற்கு செல்வேன் என்று முன்னாள் அமைச்சர் கைரி ஜமாலுடின் கூறினார்.

கைரி ஜமாலுடின் அம்னோவில் மறுபிரவேசம் இன்னும் ஒரு கேள்விக்குறியாக  உள்ளது.

இந்நிலையில் 17ஆவது சபா மாநிலத் தேர்தலில் தேசிய முன்னணி வேட்பாளரின் பிரச்சாரத்திற்கு உதவ சபாவுக்கு வருவேன் என உறுதிப்படுத்தினார்.

அம்னோ, தேசிய முன்னணி தோழர்களின் அழைப்பின் பேரில் சபாவிற்கு வருவேன்.

ஆம், நான் சபாவிற்கு வருவேன். முன்பு இளைஞர் அணியில் என்னுடன் இருந்த பழைய நண்பர்களிடமிருந்து எனக்கு அழைப்புகள் வந்துள்ளன என்று அவர் இன்று மலேசியா குடும்ப ஓட்டம் 2025க்குப் பிறகு செய்தியாளர்களைச் சந்தித்தபோது அவர் இவ்வாறு கூறினார்.

- பார்த்திபன் நாகராஜன்