மெஸ்ஸியின் சம்பளம் 97 மில்லியன் ரிங்கிட்: ஹியூங் மின்னிம்  சம்பளம் 53 மில்லியன் ரிங்கிட்

வாஷிங்டன்:

இந்தர் மியாமி அணியில் ஆண்டுக்கு 97 மில்லியன் ரிங்கிட்டை சம்பாதித்ததைக் காட்டிய பிறகு, அர்ஜெண்டினா நட்சத்திரம் லியோனல் மெஸ்ஸி மேஜர் லீக் கால்பந்தில் அதிக சம்பளம் வாங்கும் வீரர் என்ற தனது அந்தஸ்தை தொடர்ந்து தக்க வைத்துக் கொண்டுள்ளார்.

அந்த எண்ணிக்கை லீக்கில் உள்ள மற்ற வீரர்களை விட மிக அதிகம், மேலும் 2023 ஆம் ஆண்டின் நடுப்பகுதியில் மெஸ்ஸி  இந்தர்மியாமியில் சேர்ந்தபோது அவரது ஒப்பந்தத்தில் சேர்க்கப்பட்ட கூடுதல் ஆதரவாளர்கள், வணிக போனஸ்கள் இதில் சேர்க்கப்படவில்லை.

அவரது தற்போதைய ஒப்பந்தம் டிசம்பரில் காலாவதியாகி, அடுத்த ஆண்டு தொடங்கி மேலும் மூன்று சீசன்களுக்கு நீட்டிக்கப்படுகிறது.

எட்டு முறை பாலன் டி ஓர் விருது வென்ற 38 வயதான அவர், 28 ஆட்டங்களில் 29 கோல்களுடன் மேஜர் லீக்கில் அதிக கோல் அடித்தவராக சீசனை முடித்தார்.

மேலும் தனது லீக் மிகவும் மதிப்புமிக்க வீரர் பட்டத்தை தக்க வைத்துக் கொள்வார் என்று எதிர்பார்க்கப்படுகிறது.

இந்த பட்டியலில் இரண்டாவது இடத்தில் தென் கொரிய நட்சத்திரம் சோன் ஹியூங் மின் உள்ளார்.

அவர் தற்போது லாஸ் ஏஞ்சல்ஸ் எப்சியில் ஆண்டுக்கு 52.7 மில்லியன் ரிங்கிட் சம்பளமாக பெற்று வருகிறார்.

- பார்த்திபன் நாகராஜன்