ஷாரா இறப்பதற்கு முன்பு கழிப்பறையில் ஹனாஃபி சட்டை அணிந்த நபரை மாணவி பார்த்துள்ளார்

கோத்தா கினபாலு:

ஷாரா கைரினா மகாதிர் இறந்து கிடப்பதற்கு சில மணி நேரங்களுக்கு முன்பு, ஹனாஃபி என்ற வார்த்தை எழுதப்பட்ட விளையாட்டு சட்டை அணிந்த ஒரு நபர் விடுதி கழிப்பறையில் தன்னைப் பூட்டிக் கொண்டதைக் கண்டேன்.

கோத்தா கினாபாலுவில் உள்ள முதல் படிவ மாணவர் ஒருவர் கொரோனர் நீதிமன்றத்தில் இதனை தெரிவித்தார்.

இந்த சம்பவம் கடந்த ஜூலை 16 ஆம் தேதி அதிகாலை 2.35 மணியளவில் நடந்தது.

22வது குழந்தை சாட்சியான  மாணவி ஒருவர் ஷாரா கைரினாவின் மரணம் தொடர்பான விசாரணை நடவடிக்கைகளின் 28வது நாளில், கொரோனர் அமீர் ஷா அமீர் ஹசன் முன் வழங்கினார்.

ஷாரா சம்பந்தப்பட்ட பகடிவதை வழக்கில் ஒரு குழந்தையைப் பிரதிநிதித்துவப்படுத்தும் வழக்கறிஞர் ஜோன் கோ, இந்த அறிக்கை முக்கியமானது என்று கூறினார்.

ஏனெனில் கூறப்பட்ட நேரம் சம்பவத்திற்கு மிக நெருக்கமானது.

சாட்சி அதிகாலை 2.35 மணியளவில் குளிக்க எழுந்துள்ளார்.

கழிப்பறையைப் பயன்படுத்துவதில் ஏற்படும் நெரிசலைத் தவிர்க்க சீக்கிரமாக குளிப்பது அவரது வழக்கம். அந்த சாட்சி மூன்றாவது மாடி கழிப்பறைக்குச் சென்றார்.

சாட்சி மூடப்பட்டிருந்த முதல் எண் கழிப்பறையின் கதவைத் தள்ளினார்.

ஆனால் யாரோ ஒருவர் தங்களைப் பூட்டிக் கொள்வது போல் அதன் மீது சாய்ந்து கொண்டிருப்பது போல் கதவு பின்னால் தள்ளப்பட்டது என்று அவர் நடவடிக்கைகளுக்குப் பிறகு செய்தியாளர்களிடம் கூறினார்.

- பார்த்திபன் நாகராஜன்