நாக்-அவுட் சுற்றில் சிந்து

பாலி: 

வேர்ல்டு டூர் பைனல்ஸ் பாட்மின்டன்  நாக்-அவுட் சுற்றுக்கு இந்தியாவின் சிந்து, லக்சயா சென் முன்னேறினர். 

இந்தோனேஷியாவில்,  வேர்ல்டு டூர் பைனல்ஸ்  பாட்மின்டன் தொடர் நடக்கிறது.
பெண்கள் ஒற்றையர்  ஏ  பிரிவு, 2ஆவது லீக் போட்டியில் நடப்பு உலக சாம்பியன் இந்தியாவின் சிந்து, ஜெர்மனியின் இவோன் லி மோதினர். 

முதல் செட்டை 21-10 எனக் கைப்பற்றிய சிந்து, 2ஆவது செட்டை 21-13 என தன்வசப்படுத்தினார்.

மொத்தம் 31 நிமிடம் நீடித்த போட்டியில் சிந்து 21-10, 21-13 என்ற நேர் செட் கணக்கில் தொடர்ந்து 2வது வெற்றி பெற்றார். இதன்மூலம்  நாக்-அவுட்  சுற்றுக்குள் நுழைந்தார்.  

ஆண்கள் ஒற்றையர்  பி  பிரிவு, 2ஆவது லீக் போட்டியில் இந்தியாவின் ஸ்ரீகாந்த், தாய்லாந்தின் குன்லவுத் விதித்சர்ன் மோதினர். 

இதில் ஸ்ரீகாந்த் 18-21, 7-21 என்ற கணக்கில் தோல்வியை தழுவினார்.