வேர்ல்டு டூர் பைனல்ஸ்  பாட்மின்டன்: சிந்து, ஸ்ரீகாந்த் வெற்றி

பாலி - 

வேர்ல்டு டூர் பைனல்ஸ்  பாட்மின்டன் தொடரை இந்தியாவின் சிந்து, ஸ்ரீகாந்த் வெற்றியுடன் துவக்கினர்.

இந்தோனேஷியாவில், வேர்ல்டு டூர் பைனல்ஸ் பாட்மின்டன் தொடர் நடக்கிறது. பெண்கள் ஒற்றையர் ஏ  பிரிவு லீக் சுற்றில் இந்தியாவின் சிந்து, டென்மார்க்கின் லைன் கிறிஸ்டோபர்சன் மோதினர். 

முதல் செட்டை 21-14 எனக் கைப்பற்றிய சிந்து, 2வது செட்டை 21-16 என தன்வசப்படுத்தினார். மொத்தம் 38 நிமிடம் நீடித்த போட்டியில் சிந்து 21-14, 21-16 என்ற நேர் செட் கணக்கில் வெற்றி பெற்றார்.   

ஆண்கள் ஒற்றையர் பி பிரிவு லீக் போட்டியில் இந்தியாவின் ஸ்ரீகாந்த், பிரான்சின் டோமா ஜூனியர் போபோவ் மோதினர். 

அபாரமாக ஆடிய ஸ்ரீகாந்த் 21-14, 21-16 என்ற நேர் செட் கணக்கில் வெற்றி பெற்றார்.   
ஆண்கள் ஒற்றையர்  ஏ பிரிவு லீக் போட்டியில் இந்தியாவின் லக்சயா சென், ஜப்பானின் கென்டோ மொமோடா மோதினர். முதல் செட் 1-1 என இருந்த போது காயத்தால் மொமோடா விலகினார். இதனையடுத்து லக்சயா சென் வெற்றி பெற்றதாக அறிவிக்கப்பட்டார்.