பார்சிலோனாவுக்கு திரும்பும் நோக்கில் மெஸ்ஸி?

புளோரிடா:

லியோனல் மெஸ்ஸி பார்சிலோனாவை விட்டு வெளியேறி நான்கு ஆண்டுகள் ஆகின்றன.

ஆனால் ரசிகர்கள் இன்னும் அர்ஜெண்டினா ஜாம்பவான் தனது இதயத்துக்கு நெருக்கமான கிளப்புக்கு திரும்புவதை கனவு காண்கிறார்கள்.

38 வயதான  மெஸ்ஸி தற்போது இந்தர்மியாமி அணிக்காக விளையாடுகிறார்.

அங்கு அவரது ஒப்பந்தம் 2025  டிசம்பர் 31 வரை நீடிக்கும்.

இருப்பினும், பார்சிலோனாவுக்கு மீண்டும் திரும்புவது குறித்த ஊகங்கள் ஊடகங்களில் வலுவாக மீண்டும் வந்துள்ளன.

இஎஸ்பிஎன் அர்ஜெண்டினாவின் பத்திரிகையாளர் எஸ்டெபன் எடுலின் கூற்றுப்படி, 

2026 பிபா உலகக் கிண்ண போட்டிக்கு சுமார் ஆறு மாதங்களுக்கு முன்பு மெஸ்ஸி அமெரிக்காவை விட்டு வெளியேறுவது குறித்து ஆலோசித்து வருகிறார்.

மேலும் போட்டித்தன்மை வாய்ந்த லீக்கில் விளையாடுவதையும் போட்டிக்கு சிறப்பாகத் தயாராகுவதையும் நோக்கமாகக் கொண்டுள்ளார்.

தற்போது ​​இந்தர்மியாமியுடனான ஒப்பந்த புதுப்பித்தல் பேச்சுவார்த்தைகள் இடைநிறுத்தப்பட்டுள்ளன.

இதனால் இந்தர்மியாமியை விட்டு அவர் வெளியேறும் வாய்ப்பு திறந்துள்ளது என்று அவர் கூறினார்.

- பார்த்திபன் நாகராஜன்