இங்கிலாந்து பிரிமியர் லீக்: லிவர்பூல் வெற்றி

லண்டன்:

இங்கிலாந்து பிரிமியர் லீக் கால்பந்து போட்டியில் லிவர்பூல் அணியினர் வெற்றி பெற்றனர்.

அன்பீல்டு அரங்கில் நடைபெற்ற ஆட்டத்தில் லிவர்பூல் அணியினர் சௌத்ஹாம்டன் அணியை சந்தித்து விளையாடினர்.

இதில் அபார ஆட்டத்தை வெளிப்படுத்திய லிவர்பூல் அணியினர் 3-1 என்ற கோல் கணக்கில் சௌத்ஹாம்டன் அணியை வீழ்த்தி வெற்றி பெற்றனர்.

லிவர்பூல் அணிக்காக முகமத் சாலா இரு கோல்களை அடித்தார். மற்றொரு கோலை டர்வின் நுனாஸ் அடித்தார். 

மற்றொரு ஆட்டத்தில் மென்செஸ்டர் சிட்டி அணியினர் 0-1 என்ற கோல் கணக்கில் நாட்டிங்ஹாம் போரஸ் அணியிடம் தோல்வி கண்டனர்.

மற்ற ஆட்டங்களில் பிரிக்டோன், கிறிஸ்டல் பேலஸ், அஸ்டன் வில்லா ஆகிய அணிகள் வெற்றி பெற்றன.

- பார்த்திபன் நாகராஜன்