ஐரோப்பிய சாம்பியன் லீக்: லிவர்பூல் வெற்றி

லண்டன்:

ஐரோப்பிய சாம்பியன் லீக் கிண்ண கால்பந்து போட்டியில் லிவர்பூல் அணியினர்  வெற்றி பெற்றனர்.

அன்பீல்டு அரங்கில் நடைபெற்ற ஆட்டத்தில் லிவர்பூல் அணியினர் லில்லி அணியை சந்தித்து விளையாடினர்.

இதில் சிறப்பான ஆட்டத்தை வெளிப்படுத்திய லிவர்பூல் அணியினர் 2-1 என்ற கோல் கணக்கில் லில்லி அணியை வீழ்த்தி வெற்றி பெற்றனர்.

லிவர்பூல் அணியின் வெற்றி கோல்களை முகமத் சாலா, ஹார்வே எலிட் ஆகியோர் அடித்தனர்.

லிஸ்பனில் நடைபெற்ற ஆட்டத்தில் பார்சிலோனா அணியினர் 5-4 என்ற கோல் கணக்கில் பென்பிகா அணியை வீழ்த்தி வெற்றி பெற்றனர்.

ஜூவாந்தஸ் அணியினர் கோல் எதுவும் அடிக்காமல் புருகே கிளப்புடன் சமநிலை கண்டனர்.

புரோசியா டோர்ட்மண்ட் அணியினர் 1-2 என்ற கோல் கணக்கில் பொலாக்னா அணியிடம் தோல்வி கண்டனர்.

மற்ற ஆட்டங்களில் அட்லாட்டிகோ மாட்ரிட், ஏஎஸ் மொனாகோ, பிஎஸ்வி எண்ட்ஓவன் ஆகிய அணிகள் வெற்றி பெற்றன.

- பார்த்திபன் நாகராஜன்