லா லீகா கால்பந்துப் போட்டி: ரியல்மாட்ரிட் வெற்றி

மாட்ரிட்:

லா லீகா கால்பந்துப் போட்டியில் ரியல்மாட்ரிட் அணியினர் வெற்றி பெற்றனர்.

சந்தியாகோ பார்னபவ் அரங்கில் நடைபெற்ற ஆட்டத்தில் ரியல்மாட்ரிட் அணியினர் லாஸ் பால்மாஸ் அணியை சந்தித்து விளையாடினர்.

இதில் சிறப்பான ஆட்டத்தை வெளிப்படுத்திய ரியல்மாட்ரிட் அணியினர்  4-1 என்ற கோல் கணக்கில் லாஸ் பால்மாஸ் அணியை வீழ்த்தி வெற்றி பெற்றனர்.

ரியல்மாட்ரிட் அணிக்காக கிளையன் எம்பாப்பே இரு கோல்களை அடித்தார். மற்ற கோல்களை பிராஹிம் டியாஸ், ரோட்ரிகோ ஆகியோர் அடித்தனர்.

மற்ற ஆட்டங்களில் அட்லாட்டிகோ பில்பாவ்,  வெலன்சியா ஆகிய அணிகள் வெற்றி பெற்றன.

ஓசாசுனா அணியினர் 1-1 என்ற கோல் கணக்கில் ராயோ வலாகனோ அணியுடன் சமநிலை கண்டனர்.

- பார்த்திபன் நாகராஜன்