ஆஸ்திரேலியப் பொது டென்னிஸ்: காலிறுதிக்கு முன்னேறிய ஸ்வரேவ், படோசா

சிட்னி:

ஆஸ்திரேலியப் பொது டென்னிஸ் தொடரின் ஆண்கள் ஒற்றையர் பிரிவில் உலகின் 2-ஆம் நிலை வீரரும், ஜெர்மனியைச் சேர்ந்தவருமான அலெக்சாண்டர் ஸ்வரேவ், பிரான்சின் ஹ்யூகோ ஹம்பர்ட் உடன் மோதினார்.

இதில் முதல் செட்டை 6-1 என கைப்பற்றிய ஸ்வரேவ் இரண்டாவது செட்டை 2-6 என இழந்தார்.

இதில் சுதாரித்துக் கொண்ட ஸ்வரேவ் அடுத்த இரு செட்களை 6-3, 6-2 என வென்று காலிறுதிக்கு முன்னேறினார்.

இதேபோல், பெண்கள் ஒற்றையர் பிரிவில் ஸ்பெயின் வீராங்கனை பவுலா படோசா 6-1, 7-6 (7-2) என்ற செட் கணக்கில் செர்பிய வீராங்கனை ஒல்காவை வென்று காலிறுதி சுற்றுக்கு முன்னேறினார்.

- அஸ்வினி செந்தாமரை